Ўзбекистон ТИВ: “Термиз” савдо марказида концертларни бекор қилиш бўйича сўров олинмаган
Ўзбекистон Афғонистон муваққат ҳукумати вакилларидан чегара яқинидаги «Термиз» халқаро савдо марказида концертлар ва мусиқа жўрлигидаги тадбирларни бекор қилиш тўғрисида сўров олмаган. Бу ҳақда Gazeta.uz Ўзбекистон ТИВ матбуот хизматига таяниб хабар берди.
Аввалроқ, Афғонистоннинг Atlas Press хусусий нашри
манбаларга таяниб, Толибон Ўзбекистон расмийларига шундай сўров йўллагани ва бу
талаб бажарилмаса, Афғонистон фуқароларига ушбу савдо майдонига ташриф буюришни
тақиқлаш билан таҳдид қилгани ҳақида хабар берган эди.
ОАВ маълумотларига кўра, мажмуага ташриф буюрувчилар учун
мусиқий дастурлар ўтказилиб, ўзбекистонлик санъаткорлар кечки концертлар билан
чиқиш қилган.
Эслатиб
ўтамиз, август ойи охирида Афғонистон билан чегарада «Термиз» халқаро
савдо маркази очилган эди.
Авғонистонликлар мазкур
савдо марказига кириш визасини расмийлаштирмаган ҳолда махсус йўлак орқали
киришлари мумкин. Бу ерда тўлов сифатида АҚШ доллари, евро, рубль ва юанни
қабул қилишга рухсат берилади.
Мавзуга алоқадор
-
«Термиз халқаро савдо маркази» эркин савдо зонасида визасиз режим жорий этилади. Шунингдек, Афғонистон ва Покистон фуқароларига ҳудуд ичида дўкон ва бинолар сотиб олишга рухсат берилди. Савдода сўм билан бирга доллар, рубль, евро ва юань валюталарини қабул қилишга рухсат берилади.
-
Яқинда Ўзбекистон-Афғонистон чегарасида очилган «Термиз» халқаро савдо марказига қўшни Афғонистондан минглаб харидорлар савдо қилиш ташриф буюрмоқда. Қайд этилишича, пештахталар бўшаб қолмоқда. Марказга афғонистонликлар махсус йўлак орқали кириш визасисиз ташриф буюришлари мумкин.
