Озарбайжонда уч полициячи ва бир фуқаро отиб ўлдирилди
24 июнь куни Озарбайжон пойтахти Боку шаҳрининг Хазар тумани Шувалан қишлоғида бир неча бор судланган, қидирувда бўлган Ровшан Аллоҳвердиевни қўлга олишга уриниш пайтида отишма содир бўлди.
Озарбайжон
Ички ишлар вазирлиги ва Бош прокуратурасининг хабар беришича, Аллоҳвердиев
қуролли қаршилик кўрсатиб, уч полициячи ва бир фуқарони ўлдирган.
Хабарда
айтилишича, у ўз оила аъзоларининг орқасига яширинишга уринган ва полицияга “Ланкастер”
қуролидан ўқ узган.
“Отишма
содир этган шахс полициянинг жавоби натижасида ҳалок бўлди”, — дейилади
баёнотда. Мазкур ҳолат юзасидан жиноят иши қўзғатилиб, тергов ҳаракатлари
олиб борилмоқда.
Эслатиб ўтамиз,
кеча кечқурун Доғистонда Махачқалъа ва Дербентдаги православ черкови,
синагога ва полиция ходимларига ҳужум уюштирилди, натижада йигирмага яқин одам
ҳалок бўлди. Доғистон раҳбари Сергей Меликов бир кечада “15 дан ортиқ полициячи”
ва бир неча тинч аҳоли ҳужумлар қурбони бўлганини айтди.
.png)
Мавзуга алоқадор
-
23 июнь куни кечқурун Доғистоннинг Махачқалъа ва Дербент шаҳарларида номаълум шахслар синагога ва черковга ҳужум қилди. Доғистон ИИВ қора кийимдаги қуролли шахслар Махачқалъадаги полиция постини ҳам ўққа тутганини билдирди. Ижтимоий тармоқларда тарқалган видеоларда уларнинг полиция машиналарига қарата автоматдан ўқ узаётганини кўриш мумкин. Ҳужумчилар билан отишмада олти полициячи ҳалок бўлган, яна 12 киши яралангани айтилмоқда. Шунингдек, камида иккита жангчи отиб ўлдирилган.
-
Доғистоннинг Сергокалинский тумани раҳбари Магомед Умаров қўлга олинди. Умаровнинг икки ўғли – Одил ва Усмон Махачқалъа ва Дербентдаги черков ва синагогага уюштирилган ҳужумларда қатнашгани, иккаласи ҳам отиб ўлдирилгани айтилмоқда. Айни пайтда Доғистонда терроризмга қарши операция режими жорий этилган: Махачқалъа ва Дербентга кириш-чиқиш йўллари тўсиб қўйилган, полиция машиналарни текширмоқда.
