Россияда ноқонуний муҳожирлар яшаётган жойлар ҳақида хабар қилганларга 100 минг рублдан мукофот пули бериш таклиф қилинди
Давлат Думаси меҳнат муҳожирларининг ноқонуний яшаш жойлари ҳақида хабар берган россияликларга 100 минг рубль миқдорида бонуслар тўлашни таклиф қилди. Мазкур ташаббус депутат Сергей Каргинов томонидан илгари сурилди, дея хабар бермоқда The Moskow Times.
“Ушбу
ташаббус жамият учун хавфли бўлган ноқонуний миграция тармоқларини аниқлаш ва
зарарсизлантиришга ёрдам беради. Одамлар ноқонуний муҳожирлар ҳақида хабар
беришда фаолроқ бўладилар, уларнинг маълумотлари ҳақиқий фойда келтиришини
тушунадилар ва мукофот оладилар”, — деб ёзди Каргинов ўзининг Telegram-каналида.
Унинг
сўзларига кўра, тегишли мурожаатни тайёрлаб, Россия Федерацияси ички ишлар
вазири Владимир Колоколцевга юборган. Депутат ўз таклифини муҳожирлар томонидан
содир этилаётган жиноятлар тобора зўравонликка айланиб бораётгани билан
изоҳлади.
“Фуқаролар
ва ҳуқуқ-тартибот идораларининг биргаликдаги саъй-ҳаракатлари билан биз
ноқонуний миграция оқимига қарши ишончли тўсиқ яратамиз”, — дея хулоса қилди
Каргинов.
Айни пайтда Россиядаги муҳожирлар сони
тобора камайиб бормоқда. Росстат маълумотларига кўра, 2023 йилда мамлакатга чет
элдан 560,4 минг киши келган –
бир йил аввалгидан 23% кам, ўшанда оқим 730 мингни ташкил этган.
Шундай
қилиб, ташриф буюрувчилар сони сўнгги 10 йилдаги энг паст даражага тушди. Қолаверса,
муҳожирларнинг асосий қисми (31%) Тожикистон фуқароларидир. Иккинчи ўринни
Қирғизистон фуқаролари эгаллаган – 10 фоиз, учинчи ўринни Украина, Арманистон
ва Қозоғистон – 9 фоиздан, яна 4 фоизни Ўзбекистон фуқаролари ташкил этган.
Россия ҳукумати 22 март куни Москва яқинидаги “Крокус Сити Холл”да 145 кишининг ҳаётига
зомин бўлган терактдан сўнг иммиграция сиёсатини кучайтира бошлади. Россия
жамиятида муҳожирларга қарши кайфиятнинг кучайишига сабаб бўлган жиноятни содир
этишда гумон қилинган
Тожикистон фуқаролари ҳибсга олинди. Ҳуқуқ-тартибот идоралари ноқонуний муҳожирларни қидириш бўйича рейдлар
ўтказишни бошлади. Хусусан, Москвада, Ички ишлар вазирлиги маълумотларига кўра,
сўнгги тўрт ой ичида полиция ходимлари 6 мингга яқин объектни, жумладан
меҳмонхоналар, ётоқхоналар, хостеллар,
саноат корхоналари, қурилиш майдончалари ва турар-жой секторини текширган.
Июнь ойида Давлат Думаси Россияда ноқонуний бўлган чет эл
фуқароларини чиқариб юбориш тартибини жорий қилувчи қонун лойиҳасини биринчи
ўқишда қабул қилди. Янги ҳуқуқий режим амал қиладиган чет элликлар махсус реестрга киритилади. Бундай
фуқароларнинг яшаш жойини ўзгартириш, транспорт воситаларини бошқариш, никоҳдан
ўтиш ва банк ҳисоб рақамларини очиш ҳуқуқи чекланади.
Кейинроқ Ички ишлар вазирлиги йил бошидан буён 65 мингдан
ортиқ хориж фуқароси Россиядан чиқариб юборилгани ҳақида хабар берди.
Шунингдек, полиция 120 минг муҳожирнинг мамлакатга киришини тўсиб қўйган. 2023
йил охирида бу кўрсаткичлар мос равишда 110 минг ва 170 мингни ташкил этди.
Мавзуга алоқадор
-
Ўзбекистон президенти матбуот котиби Шерзод Асадов охирги саккиз йил ичида Россиядаги ўзбекистонлик меҳнат муҳожирлари сони камида тўрт баравар камайганини маълум қилди. У бир неча миллион ўзбек фуқаросининг ватанга қайтишини Ўзбекистондаги иқтисодий ислоҳотлар муваффақияти билан боғлади.
-
Россия Тергов қўмитаси раҳбари Александр Бастрикин мамлакатда ўтказилган рейдлар давомида РФ фуқаролигини олган 30 минг муҳожир (улар бегоналарни фуқаролик олса ҳам ўзиники ҳисоблашмайди) аниқлангани, 10 минг РФ фуқаролигига эга муҳожир Украинадаги урушда қатнашганини маълум қилди.
