Исроил армияси Ғазо жанубидаги Хон Юнусни тарк этди
7 апрель куни Исроил армияси ўз қўшинларини Ғазо сектори жанубидаги Хон Юнусдан олиб чиқиб кетганини эълон қилди, дея хабар бермоқда Anadolu.
Баёнотда Хон Юнусга ҳужум уюштирган 98-командо дивизиясининг
ҳудуддаги вазифасини бажарганлиги билдирилди. Ғазо секторида фақат “Наҳал” бригадаси қолишда давом этади.
Исроил матбуотига кўра, “Наҳал”
бригадаси Ғазодан тинч аҳолининг минтақа шимолига қайтишига йўл қўймаслик учун
минтақада қолади.
Исроил армияси Хон Юнусдан олиб чиқиб кетилгандан сўнг,
шаҳарда катта вайронагарчиликлар ҳақида маълум бўлди.
Қўшинлар олиб чиқилгач, кўчирилган фаластинликлар шаҳарнинг
ўз уйлари жойлашган ҳудудларига қайтишни бошладилар, бироқ улар яшайдиган
жойларни топишда қийналмоқда.
Бир неча ҳафта давом этган Исроил бомбардимонлари биноларни
вайроналар ва кул уюмларига айлантирган, йўллар эса остин-устун бўлиб кетган.
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
