Британияда муҳожир ва мусулмонларга ҳужум қилган ўта ўнгчи намойишчилар ҳибсга олинди
Британиянинг Плимут шаҳрида муҳожирлар ва мусулмонларга қарши тартибсизликларни амалга оширган ўта ўнг гуруҳнинг олти нафар аъзоси қўлга олинди. Бу ҳақда “Анадолу” маҳаллий полиция баёнотига таяниб хабар қилди.
Баёнотга
кўра, тўқнашувлар чоғида ирқчиликка қарши параллель намойишда радикалларни
иштирокчилардан ажратиб турган полиция ходимлари яраланган.
Ўта
ўнглар полицияга қарши тош, шиша ва бошқа нарсаларни улоқтирган.
Британияда бир неча кундан бери тартибсизликлар давом
этмоқда. Намойишларнинг илҳомлантирувчиси ва ташкилотчиси “Инглиз ўзини ўзи
ҳимоя қилиш лигаси” ўта ўнгчи гуруҳи ҳисобланади.
Тартибсизликларга 29 июль куни Саутпорт шаҳрида угандалик мусулмон бўлмаган оиланинг 17 ёшли ўғли пичоқ билан болалар рақс тўгарагига ҳужум
қилгани ортидан бошланиб
кетди. Мазкур ҳужум натижасида уч нафар бола қурбон бўлди, яна саккиз нафар
бола жароҳат олди.
Ўта
ўнгчилар воқеа ҳақида нотўғри маълумотлар, жумладан, гумонланувчи мусулмон
давлатидан келган муҳожир эканлиги ҳақидаги ёлғон даъволарни тарқатишди.
Полиция бу маълумотларни инкор этишига қарамай, намойишлар давом этди.
Намойишлар
чоғида ўта ўнгчи экстремистлар Сандерленддаги масжидга ҳужум қилиб, полиция
бўлимини ёқиб юборган. Ўнг қанот радикаллар мамлакатнинг бошқа шаҳарларидаги
масжидлар ва мусулмон марказларига ҳам ҳужум қилди.
Мавзуга алоқадор
-
Британиянинг Саутпорт шаҳрида душанба куни рақс дарсида номаълум шахс болаларга ҳужум қилди, улардан уч нафари ҳалок бўлди, бир қанчаси яраланди. Ҳужумчининг Угандадаги геноциддан қочиб, Британияда паноҳ топган оиланинг 17 ёшли ўғли амалга оширгани айтилмоқда. Ҳодисадан сўнг шаҳарда тартибсизликлар рўй берди, юзлаб ўта ўнг экстремистлар Islam Society масжидига ҳужум уюштирди.
-
Британияда “ўта ўнг қанот безорилар” томонидан мамлакат бўйлаб мусулмонлар ва қора танлиларга қарши погромлар уюштирилди - ўткинчи қора танлилар калтакланди, масжидларга ҳужумлар амалга оширилди. Бунга мусулмон бўлмаган ва Британияда туғилган қора танли ўсмирнинг болаларга пичоқ билан ҳужум уюштиргани сабаб бўлди. Мамлакат бош вазири безориларни жавобгарликка тортишга ваъда берди.
