БМТ Бош Ассамблеяси Исроилни босиб олинган ҳудудларни тарк этишга чақирувчи резолюцияни қабул қилди
Бирлашган Миллатлар Ташкилоти Бош Ассамблеяси Фаластин томонидан тақдим этилган, Исроилдан Халқаро Суд қарорига риоя этиши ва бир йил ичида босиб олинган Фаластин ҳудудларини тарк этишини талаб қилувчи резолюция лойиҳасини ёқлаб овоз берди.
Резолюцияни 124 давлат, жумладан, Ўзбекистон, Россия, Бельгия, Бразилия,
Қатар, Хитой ва Франция қўллаб-қувватлади, 14 давлат, хусусан, Венгрия, Исроил,
АҚШ ва Чехия қарши чиқди, яна 43 давлат овоз беришда бетараф қолди. Резолюцияни
қабул қилиш учун учдан икки қисми овоз бериши керак эди.
БМТ резолюциялари,
Хавфсизлик Кенгаши ҳужжатларидан фарқли ўлароқ, мажбурий юридик кучга эга эмас.
Мавзуга алоқадор
-
БМТ Бош Ассамблеяси Фаластинни қўллаб-қувватловчи 5 та резолюцияни қабул қилди. Улар орасида фаластинликларга ёрдам бериш, ишғол қилинган ҳудудларда яҳудий аҳоли пунклари билан боғлиқ резолюциялар бор.
-
БМТ Бош Ассамблеяси Ғазода зудлик билан гуманитар сулҳ талаб қилинган резолюция лойиҳасини 153 овоз билан қабул қилди. 10 та давлат қарши чиқди.
