Йўлда
Йўлда нималар бўлмайди... 
Биз машинасига ўтирган киракаш ҳайдовчи яна ҳамроҳ топиб келди: қиз ва йигит. Қўл ушлашиб олган. Йигит: “Ҳозир қайтамиз”, деди-ю, икковлон панароққа ўтиб кетишди. Кўп ўтмай яна қўл ушлашиб қайтишди. Йигит қизни кузатиб қўйишга чиққан экан...
Йўл бўйи кўп жойда тўхтаб ўтдик. Кимларнидир, нималарнидир кутдик. Манзилга анча кеч – ярим тунда етиб боришимиз аниқ бўлди. Табиийки, олдин ўша қизни уйига ташлаб қўйиш керак...
Дарвоза очилиб, қизнинг онаси чиқди-ю, ҳайдовчини уриша кетди: “Қанақа одамсиз, ўзи? Юрагим ёрилай деди-ку!..” Боласини интиқиб кутиб хавотир олган онанинг аҳволини тушунди, чоғи, ҳайдовчи узр сўраган бўлди: “Йўл узоқ. Анча кутишга тўғри келди. Сизни ҳам хавотирга қўйдик...” “Нега телефон қилиб қўймайсиз?” энди ошкора ўшқиришга ўтди аёл. Гапи ўзига таъсир қилди, шекилли, қизига юзланди: “Нега телефон қилиб айтиб қўймайсан?” “Заряди тугаб...” Қиз гапини тугатар-тугатмас аёл яна ҳайдовчига сапчиди: “Уйингга телефон қилиб қўй, деб айтмайсизми? Қаерликсиз? Қайси мактабни битиргансиз? Сизга ўргатишмаганми?” Ҳайдовчи босиқ одам экан, яна узр сўраб вазиятни юмшатишга ҳаракат қилди. Аёл эса яна нималарнидир минғирлаб дарвозани ёпди. 
Мен ҳайрон эдим. Йўл-йўлакай қиз кимгадир “Ҳали етмадим”, “Оз қолди”, “Келиб қолдик” деб тушунтириш бериб келганди. Энди эса... индамай кириб кетди. Ҳамроҳ аёлга сув олиб чиқиш ҳақидаги ваъдаси ҳам эсидан чиқди.
Биз қизини фаришта қилиб кўрсатаётган жонсарак онани озми-кўпми тушунар, бироқ ўзини онаси олдида фариштадай тутаётган қизни ҳеч тушунмасдик...
Беҳзод

Мавзуга алоқадор

  • “Ҳаётга қарашингни ўзгартир”: Деизмга кўра яратгувчи ҳикмат соҳибими? (+видео)

    – Сен ишонган яратгувчи ҳикмат эгасими? Ёки ишларини фақат кўнгил очиш учун қилганми? Ҳар ҳолда, бу дунёни шунчалар чиройли яратган ва ҳар борлиққа ўнлаб фазилатлар берган Зот донодир. Зеро, бундай ҳикматли яратиш фақат Ҳаким зотга, яъни ҳикмат соҳибига хос. Бир назар сол, дунёда ҳамма нарсанинг вазифаси бор. Ҳеч нима исроф қилинмайди. Бекор ва беҳуда нарса йўқ. Бу ҳам яратгувчимизнинг доно зотлигини исботлайди. Зотан, буни инкор этсанг, бутун борлиқ сенга қарши туради ва ўзларидаги ҳикматни кўрсатиб, сени ёлғончига чиқаради. Энди эса бироз сен ҳақингда гаплашайлик:

    Давомини ўқиш...

  • Ҳошимжон услуби: Ўзим жавоб бераман!

    Исломнинг бугунги глобал миқёсда жонланиши Ўзбекистонда ҳам сезилмоқда. Бир томондан хорижий кучлар, иккинчи томондан ички сиёсий элита, ҳар бири ўз манфаатларидан келиб чиқиб, Ислом динининг ривожланиши, илмий тилда айтганда “диний фоннинг ортиши” қай даражада мамлакат барқарорлигини таъминлаши ёки аксинча, сиёсий инқирозга етаклаши эҳтимолини баҳолашга уринмоқда.

    Давомини ўқиш...

Энг кўп ўқилган

Тавсия қилинган