Ўзбек маршали Абдул Рашид Дўстум Афғонистонга қайтиш нияти борлигини маълум қилди
Афғонистонлик ўзбек қўмондони, маршал Абдул Рашид Дўстум Афғонистонни озод қилиш мақсадида мамлакатга қайтиш нияти борлигини маълум қилди. У Толибонга қаршиликни қайта ташкил этишни режалаштирмоқда, дея хабар бермоқда Yeni Şafak “Defance Пакистан”га таянган ҳолда.
Қайд
этилишича, Дўстумнинг қайтиши Афғонистондаги сиёсий мувозанатга таъсир қилади
ва можароларни чуқурлаштириши мумкин.
Эслатиб
ўтамиз, Абдул Рашид Дўстим 2021 йил августида Афғонистон ҳокимиятига Толибон
келиши билан 14 август куни ўзбек-афғон чегарасини кесиб ўтиб, Ўзбекистонга ўтган
эди. Манбаларга кўра, маршал айни пайтда Тошкентда истиқомат қилмоқда.
Мавзуга алоқадор
-
Афғонистондаги Толибон ҳаракати ва Америка Қўшма Штатлари бошчилигидаги НАТО кучлари ўртасида давом этган 20 йиллик урушдан сўнг Толибон кучлари пойтахт Қобулни назорат остига олди ва 2021 йил 15 августда АҚШнинг сўнгги қўшинлари Қобул аэропортини тарк этди. Бу воқеадан тахминан бир ой ўтгач, Толибон бутун мамлакатни ҳам ўз назоратига олиб, янги маъмурият тузиб, мамлакатни бошқариш учун муваққат ҳукумат ташкил қилди. Шундай қилиб, Толибон ҳаракати учун янги босқич бошланди. Яъни Толибон ишғолчиларга қарши курашадиган кичик гуруҳдан бутун бир давлатни бошқарадиган маъмуриятга айланиб қолди.
-
15 август куни АҚШ бошчилигидаги Ғарб қўшинлари Афғонистонни тарк этиб, ҳокимият Толибон қўлига ўтганига уч йил тўлди. Шу муносабат билан 20 йил давомида АҚШнинг асосий операциядарига таянч бўлиб хизмат қилган собиқ "Баграм" базасида ҳарбий парад ўтказилди. Унда СССР ва Ғарбдан тортиб олинган ҳарбий техникалардан фойдаланилди.
