Ливиянинг нефть ва газ қазиб олиш тўхтатилишидан кўрган зарари 120 млн доллардан ошди
Ливия Вакиллар палатасининг нефт ва газ қудуқлари фаолиятини тўхтатиш тўғрисидаги қароридан кўрилган зарар уч кун ичида 120,3 миллион доллардан ошди, деб хабар берди "Анадолу" Ливия миллий нефт корпорацияси (NОC)га таяниб.

26 август, душанба куни Вакиллар палатаси (парламент) томонидан ваколат берилган шарқий Ливия ҳукумати томонидан барча конлар, портлар, нефть ташкилотлари ва корхоналарида форс-мажор ҳолатлари эълон қилинди ҳамда кейинги огоҳлантиришгача нефть қазиб олиш ва экспорт қилиш тўхтатилди.

Ишлаб чиқаришни тўхтатиш қарори мамлакат ғарбида жойлашган Ливиянинг халқаро тан олинган ҳукумати билан келишмовчиликлар фонида қабул қилинди. Баҳслар Ливия Марказий банки раҳбарияти атрофида кечмоқда.

Аввалроқ Ливия Марказий банки ахборот технологиялари менежери Мусаб Муслим 18 август куни ўғирлаб кетилгани сабабли ўзининг барча фаолиятини тўхтатганини маълум қилган эди.

Шу куни Ливия Президент кенгаши мамлакат Марказий банкининг янги раҳбарини сайлаш ва регуляторнинг янги кенгашини шакллантириш бўйича бир овоздан қарор қабул қилганини билдирди.

Қарор мамлакатда молиявий-иқтисодий барқарорликни таъминлаш, Марказий банк ўз вазифаларини самарали ва тўлақонли бажариши, шунингдек, молиявий хизматлар узлуксизлигини таъминлаши мақсадида қабул қилинди, деб таъкидлади Президент кенгаши.

19 август куни Ливия Вакиллар палатаси президентлик кенгаши қарорига қўшилмаслигини маълум қилди. 

Маълумот учун, Ливия Марказий банкини 2011 йилдан буён Сиддиқ ал-Кабир бошқариб келади.

Мавзуга алоқадор

  • Ливия етакчилари янги қўшма ҳукумат тузишга келишиб олди

    2011 йилдаги тартибсизликлардан буён тинчликка эриша олмаётган Ливиянинг уч асосий етакчиси Араб давлатлари лигаси бош котиби таклифи билан Миср пойтахтида учрашди. Улар биргаликдаги баёнотида “баҳсли масалаларни кўриб чиқиш учун” техник қўмита ташкил этиш ва қўшма янги қўшма ҳукумат тузишга розиликларини билдирди.

    Давомини ўқиш...

  • Ливияда қуролли гуруҳлар ва ҳукумат Триполи хавфсизлигини таъминлашга келишиб олди

    Ливияда охирги икки ойда вазият кескинлашди. Пойтахт Триполи яқинида қуролли тўқнашувлар рўй берди, Марказий банкни 12 йилдан буён бошқариб келаётган Сиддиқ Ал-Кабир истеъфосини талаб қилган қуролли шахслар МБ бош идорасига ҳужум қилди. Томонлар халқаро ҳамжамият босими остида Триполидаги муҳим давлат идоралари хавфсизлигини таъминлашга келишиб олди. Айни пайтда мамлакат БМТ тан олган Абдулҳамид Дбейба ҳукумати ва шарқни назоратга олган ҳарбий етакчи Халифа Хафтар томонидан иккига бўлинган.

    Давомини ўқиш...

Энг кўп ўқилган

Тавсия қилинган