Eron Pokiston va Afgʻoniston bilan chegarada devor qurishni boshladi
Eron Pokiston va Afgʻoniston bilan sharqiy chegaralarida devor qurishni boshladi. Eronning Tabnak portali xabariga koʻra, loyihadan maqsad yoqilgʻi, oziq-ovqat va dori vositalari kontrabandasi hamda noqonuniy migratsiyaga qarshi kurashishdan iborat. Devor balandligi 4 metr, uzunligi qariyb 300 kilometrni tashkil qiladi.
Eron chegara politsiyasi qoʻmondoni Ahmad Ali Gʻodarziyning maʻʻlum qilishicha, janubiy Siston va Balujiston viloyatlari hamda Razaviy Xurosonda qurilish ishlari allaqachon boshlangan, deb xabar beradi IRNA davlat axborot agentligi. Harbiy etakchi, shuningdek, keyingi bosqichda mamlakat gʻarbida – Ilam, Kurdiston va Gʻarbiy Ozarbayjon viloyatlaridagi chegaralar ham mustahkamlanishini taʻʻkidladi.
Godarzi Afgʻoniston va Pokiston bilan chegarada xavfsizlikni taʻʻminlashni loyihaning asosiy ustuvor yoʻnalishi deb atadi. Uning taʻʻkidlashicha, Eronga giyohvand moddalar savdosining qariyb 80 foizi ushbu davlatlar orqali amalga oshiriladi, bu esa ushbu hududlarni xavfsizlik nuqtai nazaridan eng zaif holga keltiradi.
Devor qurilishi davlat tomonidan moliyalashtiriladi, hozirda asosiy harakatlar qurilish maydonchalarini jihozlashga qaratilgan.
Ayni vaqtda, 2021 yil boshida Eron Afgʻoniston bilan chegarada ham xuddi shunday devor qurishni boshlagandi. Ikki davlat chegarasining umumiy uzunligi 900 km dan ortiq boʻlsa-da, oʻshanda devorning 60 km ga yaqini qurilgan.
FEron toʻsiqlar qurilishi haqida ilk bor joriy yilning yanvarʻ oyida, Kermon va Siston-Balujistondagi shov-shuvli teraktlardan soʻng gapirgan edi. Oʻshanda Tehron rasmiylari qoʻshni Pokiston va Afgʻonistondan terrorchi guruhlarning kirib kelishiga yoʻl qoʻymaslik uchun toʻsiq qurmoqchi ekanliklarini qayd etgandi.
Shu bilan birga, mintaqaviy OAV bu tashabbus afgʻon rasmiylari bilan qarama-qarshiliklarga sabab boʻlganini taʻʻkidlamoqda – ular chegarani faqat tomonlarning oʻzaro roziligi bilan yopish mumkinligini daʻʻvo qilmoqda. Afgʻoniston rahbariyati qurilish boshlanganda Eron Kobulning fikrini soʻramaganini bildirgandi.
Devor qurilishi jarayonida Eron va Afgʻoniston oʻrtasida Hilmand daryosining suv resurslari masalasi boʻyicha ham muzokaralar davom etmoqda – devor qurilishi suv yoʻlidan foydalanishga va daryoning har ikki tomonida suvdan foydalanishga qanday taʻʻsir qilishi nomaʻʻlum.
Mavzuga aloqador
-
BMT maʻʻlumotlariga koʻra, 2030 yilga kelib dunyoda 3,3 milliarddan ortiq aholi toza suv va sanitariya taʻʻminotidan mahrum boʻlishi mumkin. Dunyo mamlakatlarining yarmida daryolar, koʻllar va suvli qatlamlar kabi chuchuk suv ekotizimlari buzilmoqda, daryolar va koʻllar quriyapti, suvli qatlamlar haddan tashqari ekspluatatsiya qilinmoqda. Bu esa har yili er osti suvlari sathining keskin pasayishiga olib kelmoqda.
-
Isroil Gʻazo sektorida bosqinchilik va qirgʻinbarot urushini boshlaganiga 353 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
