Bomba ostidagi G’azo: 277-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 277 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Gʻazoning Tel al-Hava hududi,
Dayr al-Balah va Nusayrat lageriga shiddatli hujumlar uyushtirdi. Oʻnlab odamlar
halok boʻldi. Urush boshlanganidan buyon 38193 kishi shahid boʻldi.
▪️Al-Qassam brigadalari Tel al-Hava
hududida fashistlarga qarshi 4 ta murakkab operatsiya oʻtkazdi. Bosqinchilar orasida
katta talofatlar bor.
▪️Husiylar Iroq qarshilik kuchlari bilan birgalikda Umm
ar-Rashrashdagi bosqinchilarning harbiy obektiga hujum qilishdi.
▪️Gʻazo hukumati: Biz xalqimizni ishgʻolchilarning Gʻazodan
aholini janubga koʻchirish chaqiriqlaridan ogohlantiramiz. Bu halokatli qotillik
tuzogʻi.
▪️Gʻazo Baptistlar kasalxonasi: Atrofdagi hududlar kuchli oʻqqa
tutilganidan keyin ishgʻolchi armiya bizni kasalxonani yopishga majbur qildi. Barcha
bemorlar muassasani tark etishga majbur boʻldi.
▪️HAMAS etakchisi
Ismoil Haniya Gʻazo aholisining ommaviy oʻldirilishi va koʻchirilishi davom etsa,
harakat muzokaralarni toʻxtatishi haqida ogohlantirdi.
▪️MRB
direktori Bill Berns hamda AQShning Yaqin Sharq boʻyicha maxsus vakili Brett Makgrek
HAMAS va Isroil oʻrtasidagi muzokaralarni oʻtkazish maqsadida Misrga keldi. Ular
misrlik, iordaniyalik va isroillik hamkasblari bilan muzokaralar oʻtkazishni
rejalashtirgan.
Mavzuga aloqador
-
Britaniyada oʻtkazilgan soʻrovnomada musulmonlar soʻnggi 12 oy davomida oʻrtacha 708 funt sterling (880 dollar) xayriya qilgani maʻʻlum boʻldi. Boshqa dinga mansub britaniyaliklar esa – 165 funt sterling (205 dollar). Har toʻrt britaniyalik musulmonning uch nafari oʻz xayriyasini Gʻazodagi falastinliklarga ajratgan.
-
Rossiyaning Samara viloyatidagi temir yoʻl koʻprigida portlash sodir boʻldi. Hodisaga qoʻlbola portlovchi uskunaning ishga tushirilishi sabab boʻlgani aytilmoqda.
