Қозоғистонда "Марказий Осиё - Германия" саммити бўлиб ўтмоқда
Ўзбекистон президенти Шавкат Мирзиёев Қозоғистон президенти Қасим-Жомарт Тоқаевнинг таклифига биноан 17 сентябрь куни тонгда иккинчи "Марказий Осиё - Германия" саммитида иштирок этиш учун Остона шаҳрига жўнаб кетди. Бу ҳақда давлат раҳбари матбуот хизмати хабар қилди.
Қайд
этилишича, саммитда минтақа мамлакатларининг Германия билан кўп қиррали
ҳамкорлигини янада ривожлантириш ва чуқурлаштириш масалалари муҳокама қилинади.
Савдо-иқтисодиёт,
инвестиция, технологиялар, транспорт-коммуникация ва бошқа устувор йўналишларда
амалий ҳамкорликни кенгайтиришга алоҳида эътибор қаратилади. Шунингдек,
Германиянинг етакчи компания ва банклари раҳбарлари билан қўшма учрашув ўтказиш
режалаштирилган.
«Марказий
Осиё — Германия» форматидаги биринчи саммит ўтган йилнинг 29 сентябрь куни
Берлин шаҳрида ўтказилган эди.
Мавзуга алоқадор
-
Туркиянинг Марказий Осиёга нисбатан сиёсати учта асосий устунга асосланади: сиёсий ҳамкорлик, иқтисодий ривожланиш ва маданий алмашинув.
-
Бугун, 9 август куни Остона шаҳрида Қозоғистон Президенти Қосим-Жўмарт Тўқаев раислигида Марказий Осиё давлатлари раҳбарларининг VI Маслаҳат учрашуви бўлиб ўтди. Учрашувда Қозоғистон раҳбари минтақа яқинида мураккаб ҳарбий-сиёсий вазият мавжудлигини айтиб, мудофаа сиёсати ва хавфсизлик соҳасида биргаликда ҳаракат қилиш, минтақа давлатлари ўртасида сиёсий мулоқот ва ишончни мустаҳкамлаш муҳимлигини таъкидлаган.
