Россия Марказий Осиё ягона энергетика тизимига қўшилмоқчи
Жўрабек Мирзамаҳмудов ва Сергей Цивилёв.
Ўзбекистон ва Россия энергетика вазирликлари Россиянинг «Тизим оператори»ни Марказий Осиё ягона энергетика тизимига (МО ЯЭТ) қўшишга келишиб олди. Бу ҳақда Россия энергетика вазири Сергей Цивилёв журналистларга маълум қилди, деб ёзди ТАСС.
“Бугун
икки вазирликнинг тезкор қарор қабул қилиш сўралган қўшма
баёноти эълон қилинди. Марказий
Осиёнинг алоҳида, биз ҳали кирмаган энерготизими мавжуд. БироқМарказий Осиё
ягона энергетика тизимини биргаликда бошқаришимиз учун ["Тизим оператори"]
кириши керак, биз у билан боғланганмиз. Ўзбекистон томони буни тўлиқ
қўллаб-қувватламоқда. Яқин вақтларда буни амалга оширамиз”, - деди вазир.
Унинг
таъкидлашича, мазкур
ташаббус нафақат электр энергиясининг тижорий экспорти, балки мамлакатлар ўртасидаги оқимларни бошқариш билан ҳам
боғлиқ бўлиб, бу энергия тизимларини тақчиллик, табиий омиллар ва юқори юкланишларда тезда мувозанатлаш
имконини беради.
«Агар тўсатдан кимдир билан нимадир юз берса, мувозанатни
сақлаш учун мамлакатлар эҳтиёжларини оқимлар билан тезда қўллаб-қувватлай
оламиз. <...> Бу тизим хавфсизлигини тўғри таъминлашимиз учун муҳим», —
дея ТАСС Ўзбекистон
энергетика вазири Жўрабек Мирзамаҳмудовдан иқтибос келтирди.
Ўзбекистон
Энергетика вазирлиги мазкур келишув ҳақида маълум қилгани йўқ. Вазирлик
хабарида вазирлар икки давлат ўртасидаги ҳар томонлама манфаатли ҳамкорликни
кучайтириш, ёқилғи-энергетика комплексига инвестицияларни жалб қилиш ҳамда янги
лойиҳаларни ҳаётга татбиқ этиш сингари масалаларни муҳокама қилгани айтилган.
Мавзуга алоқадор
-
Қозоғистонда Озарбайжон, Қирғизистон, Тожикистон ва Ўзбекистон ҳарбий контингентлари иштирокида «Бирлестик» ўқув машғулотларини ўтказади.
-
Ўзбекистон президенти Шавкат Мирзиёев Хитой Халқ Республикаси раиси Си Цзиньпиннинг таклифига биноан 23-25 январь кунлари давлат ташрифи билан ушбу мамлакатда бўлади.
