Moskvada Oʻzbekiston va Tojikiston fuqarolari ommaviy mushtlashdi
Moskvadagi qurilish maydonida qurilish materiallarining notoʻgʻri taqsimoti sababli Oʻzbekiston va Tojikiston fuqarolari ommaviy mushtlashdi. Natijada 10 nafar oʻzbekistonlik va 13 nafar tojikistonlik mehnat muhojirlari qoʻlga olindi. Hodisada hech kim jabrlanmagan.
Rossiya
poytaxti Moskva shahridagi qurilish maydonchasida Oʻzbekiston va Tojikistondan
kelgan mehnat muhojirlari oʻrtasida ommaviy mushtlashuv sodir boʻldi. Ijtimoiy
tarmoqda hodisa aks etgan videolar tarqaldi.
Xabarlarga
koʻra, Tagilsk koʻchasida joylashgan qurilish maydonida qurilish materiallari notoʻgʻri
taqsimoti sababli “Everest” korxonasining ishchilari mushtlashgan. Natijada 10
nafar Oʻzbekiston, 13 nafar Tojikiston fuqarosi ichki ishlar boʻlimiga olib
ketilgan.
Hodisada
hech kim ogʻir jarohat olmagan va tibbiy yordamga murojaat qilmagan. Qoʻlga
olinganlarga bayonnoma rasmiylashtirilib, maʻʻmuriy jarimalar tayinlangan.
Oʻzbekiston
Tashqi mehnat migratsiyasi agentligi maʻʻlumotni tasdiqladi.
«Rossiyada vaqtincha mehnat faoliyatini amalga oshirayotgan
yurtdoshlarimizdan mahalliy qonun-qoidalarga rioya qilishi hamda boshqa davlat
fuqarolari bilan oʻzaro hurmatda boʻlishi soʻraladi», — deb yozdi agentlik matbuot xizmati.
.png)
Mavzuga aloqador
-
Rossiyaning Kaluga viloyatida migrantlarni kaltaklab, videosini Telegram-kanaliga joylashtirib kelgan maktab oʻquvchilari toʻdasi qoʻlga olindi.
-
“Krokus Siti Xoll”da sodir boʻlgan teraktdan soʻng Rossiyada Markaziy Osiyo davlatlari bilan vizasiz rejimni bekor qilishga chaqiriqlar yangramoqda. Ushbu takliflar ijtimoiy tarmoqlardan davlat darajasiga koʻtarilgan. Ekspertlar - vizasiz rejimning bekor qilinishi ehtimollari va oqibatlari toʻgʻrisida.
