Rossiyada migrantlarni kaltaklab, videosini tarqatib kelgan oʻsmirlar toʻdasi qoʻlga olindi

Rossiyaning Kaluga viloyatida politsiyachilar mehnat muhojirlariga hujumlar uyushtirgan oʻsmirlar toʻdasi faoliyatini toʻxtatdi, deb xabar bermoqda Baza Telegram-kanali.

Qayd etilishicha, oʻnga yaqin kishidan iborat jinoiy guruh rahbarlari 16 yoshli ikki nafar maktab oʻquvchisi boʻlgan. Bundan tashqari, balogʻatga etmagan banditlar orasida bir qiz ham boʻlib, u «xoʻrak» vazifasini bajargan.

Nashrning yozishicha, banditlar aniq tuzilgan sxema boʻyicha harakat qilishgan – ularning sherigi xorijliklar bilan yozisha boshlagan va suhbat davomida aloqani yuzma-yuz koʻrishib davom davom ettirishni taklif qilgan.

Uchrashuvga kelgan bexabar yoshlarga neonatsistlar toʻdasi hujum qilgan. Kaltaklashlar tasvirga olingan, shundan soʻng video guruhning Telegram-kanallariga joylashtirilgan.

Yosh jinoyatchilar oʻz hujumlarini slavyan boʻlmagan tashqi koʻrinishdagi odamlarga nisbatan dushmanlik tufayli qilishgan.

Tergov maʻʻlumotlariga koʻra, jinoiy guruh kamida sakkizta hujum uyushtirgan. Irqchilar qurbonlari qoʻshni davlatlar, jumladan, Armaniston, Tojikiston va Oʻzbekiston fuqarolari boʻlgan.

Bundan tashqari, tintuvlar chogʻida gumonlanuvchilardan pichoqlar, toʻpponchalar, qoʻlbola bomba yasash boʻyicha yoʻriqnomalar topilib, olib qoʻyildi.