Moskvadagi qurilish maydonida qurilish materiallarining notoʻgʻri taqsimoti sababli Oʻzbekiston va Tojikiston fuqarolari ommaviy mushtlashdi. Natijada 10 nafar oʻzbekistonlik va 13 nafar tojikistonlik mehnat muhojirlari qoʻlga olindi. Hodisada hech kim jabrlanmagan.

Rossiyaning Oltoy oʻlkasida Oʻzbekiston fuqarosi Moskvadagi «Krokus Siti Xoll»da sodir etilgan terakt haqida omma oldida aytgan fikrlari uchun terrorizmni oqlaganlikda ayblanib, qamoqqa olindi. Unga besh yilgacha qamoq jazosi berilishi mumkin.

Oʻzbekistonning Istanbuldagi Bosh konsulxonasi yanvarʻ-fevralʻ oylarida 163 nafar Oʻzbekiston fuqarosi Turkiyaga kiritilmagani, ularning 54 nafari muqaddam Turkiyaga kelib, qonunbuzarlik sodir etib kirishiga taqiq qoʻyilganlar ekanini maʻʻlum qildi. Shuningdek, Turkiya huquq-tartibot idoralari xodimlari oʻzbekistonliklarga qoʻpol muomalada boʻlayotgani haqidagi shikoyatlar ham kelib tushayotgani aytildi.