AҚШ Исроилнинг имкониятларини чеклайди
Пентагон раҳбари Ллойд Остиннинг маълум қилишича, Қўшма Штатлар Ғазо сектори жанубидаги Рафаҳ шаҳрига ҳужум уюштириш режалари фонида Исроилга юқори самарали ўқ-дорилар етказиб беришни тўхтатишга қарор қилган. Бу ҳақда Сенатнинг 8 май куни бўлиб ўтган маблағлар қўмитаси баёнотида маълум қилинди.
AҚШ Мудофаа вазирининг таъкидлашича, Жо Байден маъмурияти жанговар зонада тинч аҳолини етарлича эътиборга олинмагани ва ҳимояланмагани учун Исроилнинг Рафаҳдаги операциясига бошиданоқ ўз қаршилигини билдирган.
Тақиқ 3500 та бомба тўпламига таъсир кўрсатди. Бундан ташқари, The New York Times (NYT)нинг аниқлик киритишича, Байден тўғридан-тўғри ўқ-дорилар тўпламини етказиб беришни ва AҚШнинг Исроилга барча ҳарбий ёрдамини кенгроқ кўриб чиқишга тайёрланмоқда.
Юк ташишни тўхтатиб туриш ва бошқа юкларни секинлаштиришни кўриб чиқиш қарори Байден маъмурияти учун сиёсатдаги катта ўзгариш бўлди. Бу Исроилнинг Ғазога бостириб кириши бошланганидан бери AҚШнинг яқин иттифоқдошига ҳарбий ёрдам беришдан бош тортиши биринчи марта кузатилмоқда.
Aввалроқ, Байден маъмурияти Исроилга ўқ-дориларнинг муҳим партиясини етказиб беришни кечиктиргани ҳақида хабар берилган эди.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
