АҚШ Эронни Дональд Трампга суиқасд уюштиришда айбламоқда
Сўнгги ҳафталарда АҚШ ҳукумати Эроннинг Дональд Трампга суиқасд уюштириш мақсадидаги фитнаси тғрисида хабардор манбадан разведка маълумотларини олган. Бу ҳақда CNN манбаларга таяниб хабар бермоқда.
“Масладан хабардор манбаларнинг CNN га айтишича, сўнгги ҳафталарда АҚШ
расмийлари Эроннинг Дональд
Трампни йўқ қилиш режаси ҳақида маълумот олган, шундан сўнг Махфий хизмат собиқ
президент атрофида хавфсизлик чораларини кучайтирган”, — дейилади телеканал
хабарида.
Манбаларга кўра, шанба куни собиқ президентни ўлдиришга
уринган Томас Метю Крукснинг фитнага алоқадорлиги ҳақида ҳеч қандай маълумот
йўқ.
Кучайтирилган
хавфсизлик чоралари
шанба куни Пенсильвания
штатининг Бутлер шаҳрида бўлиб ўтган митингда наф бермагани ва 20 ёшли йигитнинг қандай қилиб ўқ узиш учун
яқин атрофдаги томга чиқиб олгани ҳақида янги саволлар туғдирмоқда.
Таъкидланишича,
Разведка хизмати бир
неча бор Трамп
кампаниясини очиқ ҳавода митинглар ўтказишдан огоҳлантирган.
АҚШ Миллий
хавфсизлик хизмати расмийсининг айтишича, Махфий хизмат ва Трамп кампанияси
шанба кунги митинг олдидан таҳдиддан хабардор бўлган.
Трамп сайловолди кампанияси Эрон таҳдидидан хабардор
бўлган-бўлмаганини ошкор қилмади.
“Биз президент Трампнинг хавфсизлик хизмати ҳақидаги
маълумотга изоҳ бермаймиз. Барча саволлар АҚШ Махфий хизматига йўналтирилиши
керак”, — дейилади кампания баёнотида.
2020 йил 3 январь куни Ислом инқилоби қўриқчилари
корпусининг (ИИҚК) зарбдор Қудс кучларига
раҳбарлик қилган эронлик генерал Сулаймоний Бағдод аэропорти яқинида АҚШ ҳаво
ҳужуми натижасида ҳалок бўлган
эди. Мазкур ракета
зарбаси АҚШнинг ўша пайтдаги президенти Трампнинг шахсий буйруғи билан амалга
оширилганди.
Мавзуга алоқадор
-
Эроннинг янги президенти Масуд Пезешкиан давлат раҳбари этиб сайланганидан кейин чоп этган мақоласида Россияни мамлакатининг қимматли стратегик иттифоқдоши деб атади. "Хитой ва Россия қийин пайтларда бизни доимо қўллаб-қувватлаб келган. Биз бу дўстликни чуқур қадрлаймиз”, – деди у.
-
Пенсилвания штатининг Бутлер шаҳрида сайловолди ташвиқоти вақтида АҚШнинг собиқ президенти Дональд Трампга ўқ узилди. Ҳодиса вақтида бир киши ҳалок бўлди, икки киши яраланди. Хавфсизлик кучлари ҳужумчини отиб ташлади. АҚШ президенти Жо Байден ва мамлакатнинг бир қанча собиқ раҳбарлари сиёсий зўравонликни кескин қоралади ва отишма содир бўлишига йўл қўйиб берган махфий хизматларга қарши кўплаб саволлар туғилди – ҳодиса тафсилотлари.
