Исроил 25 фоиз британ депутатларини молиялаштиради
Британия парламентининг 180 нафар аъзоси исроиллик лоббичи
гуруҳлар томонидан молиялаштирилади. Бу ҳақда " Declassified UK"
нашри маълум қилди.
Нашр томонидан эълон қилинган рўйхатда 130 нафар консерватив ва 41 нафар лейборист депутатнинг номи келтирилган. Бу сиёсатчилар Исроилга 240 дан ортиқ пуллик саёҳатга чиққан. Оддийгина шу сафарларнинг қиймати 630 минг доллардан ошади, дейилади хабарда.
"Ушбу делегацияларнинг аксарияти Исроил Ташқи ишлар вазирлиги билан ҳамкорликда молиялаштирилади — бу Исроил билан қиролликнинг қанчалик «ош-қатиқлиги»ни англатади", – дейилади таҳлилда.
Бундан ташқари, Британия парламентининг 40 дан ортиқ аъзоси тўғридан-тўғри Исроил давлат идораларидан пул олади.
Жумладан, Лейбористлар партияси етакчиси Кей Стармер 2020 йилда бўлажак умумий сайловларда иштирок этувчи бошқа бир қанча нуфузли мухолифат номзодлар билан бир қаторда 64 минг доллар олгани маълум бўлди.
"Фаластинликлар геноцидини уюштираётган сионистларнинг лобби гуруҳидан мўмайгина пул олиб турган ҳар қандай одамнинг парламентга номзодлигига йўл қўймаслик керак. Сиёсатчиларнинг Исроилга қатнаши ва геноцид лоббиси билан ўзаро алоқаси ҳукуматимизнинг нега Исроилнинг уруш жиноятларини тан олган ҳолда тегишли чора кўрмаслигини тушунишимизга ёрдам беради", – дейди Ҳуда Аммори, Palestine Action ҳаракати асосчиларидан бири.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
