Бомбаланаётган Ғазо: 382-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 382 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Байт Лаҳия, Рафаҳ ва Жабалия лагерига ҳужум қилди. Уруш бошланганидан бери 42 603 киши шаҳид бўлди.
▪️Жабалия лагерида босқинчилар кўчирилганлар бошпана топган ЮНРВА мактабига ўт қўйди. Бу охирги икки кун ичида босқинчилар томонидан ҳужумга учраган учинчи мактабдир. Бошпаналарни 432-Гафати батальони томонидан ёқилмоқда.
▪️Ал-Қассам бригадалари: Ғазо шимолида исроиллик асир ўлдирилди.
▪️Ҳизбуллоҳ Тел-Авивдаги Глилот ҳарбий базасига ҳужум қилди. Ҳайфага ракеталар учирилди.
▪️24 соат ичида босқинчилар Ғазо ва Ливанга 230 та зарба берди.
▪️Исроилнинг Байрутдаги Рафиқ Ҳаририй касалхонасига берган зарбаси натижасида 4 киши ҳалок бўлди, улардан бири бола, 32 киши яраланди.
▪️Экстремист кўчманчилар Наблусдаги Юсуф пайғамбарнинг (Юсуф) қабрини таҳқирлашди.
Мавзуга алоқадор
-
Америкалик машҳур рэпер ва бастакор Macklemore Фаластин қўллаб-қувватланган "Hind's Hall" номли янги таронасини эълон қилди. Қўшиқда АҚШ сиёсий элитаси, жумладан президент Жо Байден, шунингдек, Америка мусиқа саноати вакиллари Исроил тажовузига бефарқлиги ва сукути учун танқид қилинган. Қўшиқ бир кундан камроқ вақт ичида X ижтимоий тармоғида 18 миллиондан кўпроқ марта кўрилди.
-
Эрон ташқи ишлар вазири Ҳусайн Амир Абдуллоҳийн душанба куни Исломободда Покистон ТИВ раҳбари Жалил Аббос Жилоний билан учрашди. Томонлар икки давлат ўртасида ҳеч қандай чегара даъволари йўқлигини ҳамда терроризмга қарши биргаликда курашиш режасини маълум қилди.
