Бойлар янада бойиди: дунёда миллиардерлар сони 2781 нафарга етди
Ҳозирда миллиардерлар ҳар қачонгидан ҳам кўп: жами 2781 нафар, ўтган йилга нисбатан 141 нафарга ва 2021 йилги рекорддан 26 нафарга кўп, дея хабар бермоқда Forbes журнали.
Улар ҳар
қачонгидан ҳам бойроқ бўлиб, умумий бойлиги 14,2 триллион долларни ташкил этди,
бу 2023 йилдан 2 триллион долларга кўп, 2021 йилда ўрнатилган аввалги рекорддан
эса 1,1 триллион долларга юқори.
Ҳозирда АҚШ умумий бойлиги 5,7 триллион доллар бўлган 813 нафар миллиардер билан рекорд кўрсаткичга
эга. Иккинчи ўринда Хитой (шу жумладан Гонконг) – 473 миллиардер билан жами капитали
1,7 триллион долларни ташкил этади.
Forbes журналининг 2024 йил учун энг бой одамлар рўйхатидан Россиянинг 125, Туркиянинг
27, Қозоғистоннинг 6, Украинанинг 5 ва Арманистоннинг 1 нафар фуқароси ўрин эгаллаган.
Россиянинг Forbes рўйхатини озарбайжонлик Вагит Алекперов
бошқаради, яна бир қанча Озарбайжон фуқаролари, масалан, Год Нисанов ва Захар
Илиев ҳам асосий активлари Россияда жойлашгани сабабли унга киритилган.
Россия рўйхатида бир йил аввалгига қараганда 15 нафар кўпроқ
миллиардер бор. Россиялик миллиардерларнинг умумий бойлиги ўтган йилги 505
миллиард доллардан 576,8 миллиард долларга ошган.
Туркияда миллиардерларнинг умумий даромади 56,1 миллиард,
Қозоғистонда 25,4 миллиард, Украинада 9,4 миллиард, Арманистонда 1,1 миллиард
долларни ташкил қилади.
Қайд
этилишича, россиялик миллиардерларнинг капитал тузилмаси иқтисодиётнинг
хомашё тармоқларидан олинган даромадлар ҳисобига, турк миллиардерларининг
капитали эса ишлаб чиқариш, хизмат кўрсатиш, технология ва бошқалар секторидан
шаклланади.
.png)
Мавзуга алоқадор
-
Дунёнинг 18-энг йирик иқтисодиётига эга Миср фунти 60 фоизга қадрсизланди, Марказий банк асосий ставкани 600 базис пунктига ёки 27,25 фоизгача оширди. ХЖВ мамлакатга 8 млрд доллар фавқулодда кредит ажратмоқчи. Мисрдаги бу каби муаммолар дунё ва минтақа учун нимаси билан хавфли? Дастлабки хулосалар ва прогнозлар қандай?
-
Исроил ҳарбийлари аёллар ва шифокорлар кийимида Ғазодаги Ибн Сино касалхонасига бостириб кириб, уч фаластинликни отиб ташлади. Мазкур босқин 1943 йилда ташкил этилган ва қиёфаси арабларга ўхшаб кетадиган исроилликлар олинадиган "Мистарабим махсус отряди" аъзолари томонидан амалга оширилди.
