АҚШда бож музокаралари бошланди

Мамлакатлар АҚШ билан божларни олиб ташлаш бўйича келишувга эришмоқчи. CNN хабарига кўра, президент Доналд Трамп АҚШ божлар жорий қилган давлатлар келишувга эришиш учун Вашингтонга музокарачиларни юбораётганини айтган.

8 апрель куни Республикачилар миллий қўмитаси йиғилишида Трамп кўплаб давлатлар вакилларидан ёғилаётган илтимосли таклифлар ҳақида сўз очган.

"Улар кўпчилик, бари бу ерга келишади, барчаси музокарачилар”, дея қўшимча қилган АҚШ Президенти.

Шунингдек, Оқ Уй раҳбари ўз қарорларига ишончи комил эканлигини билдирган. CNN Япония ва Жанубий Корея вакиллари аллақачон Вашингтонга жўнаб кетишгани, бир неча кундан кейин Италия Бош вазири Жоржа МелонингАҚШга ташрифини маълум қилди.

Эслатиб ўтамиз, Доналд Трамп 2 апрель куни дунёнинг 185 мамлакати ҳудудидан келадиган товарларга бож жорий этишини маълум қилганди. 10% лик универсал тарифлар 5 апрелдан кучга кирди.Индивидуал тарифлар 9 апрелдан кучга киради. Шу манзарада Америка фонд бозорида пасайиш кузатилмоқда.