Livanda “Hizbulloh” harakati aʻʻzolari foydalangan peyjerlarda bir vaqtda portlashlar sodir boʻldi. Portlashlar natijasida jami 9 kishi, jumladan bir bola halok boʻldi, 2800 kishi jarohatlandi, ulardan 200 nafarining ahvoli ogʻir. Tafsilotlar

AQShlik geosiyosat boʻyicha ekspert, isteʻʻfodagi podpolkovnik Rich Outzen Livandagi peyjer va ratsiyalarning portlashi XXI asrda koʻlami boʻyicha barcha eʻʻtiborga olishi kerak boʻlgan yangi turdagi tahdid ekanini taʻʻkidladi. Outzen Isroil razvedkasi “Hizbulloh” bergan buyurtmalarni aniqlab, ishlab chiqarish markazi yoki buyurtma yoʻlda vaqtida uskunalarga portlovchi moddalar joylashtirganini taxmin qildi.

Livan sogʻliqni saqlash vaziri mamlakatda ratsiyalar portlashidan 25 nafar, peyjerlar portlashidan esa 12 kishi, jami 37 kishi halok boʻlganini maʻʻlum qildi. Hizbulloh esa halok boʻlganlarning 25 nafari oʻz aʻʻzolari ekanini bildirdi. Shuningdek, ushbu qurilmalarga Isroil avvaldan portlovchi modda va maxsus dasturiy taʻʻminot oʻrnatgani aniqlandi.