Livanda minglab kishilar peyjerlar portlashidan jarohatlandi, 9 kishi halok boʻldi

Livanda “Hizbulloh” harakati aʻʻzolari foydalangan peyjerlarda bir vaqtda portlashlar sodir boʻldi. Portlashlar natijasida jami 9 kishi, jumladan bir bola halok boʻldi, 2800 kishi jarohatlandi, ulardan 200 nafarining ahvoli ogʻir. Tafsilotlar

Livan Sogʻliqni saqlash vazirligi mamlakat boʻylab “Hizbulloh” aʻʻzolari foydalangan peyjerlarning portlashi natijasida 9 kishi, jumladan bir bola hayotdan koʻz yumgani va taxminan 2800 kishi jarohatlangani, ulardan 200 ga yaqini ogʻir ekanini maʻʻlum qildi.

500 kishi koʻzlaridan jarohat olgani tufayli koʻr boʻlib qolgani aytilmoqda.

Livan ushbu teraktlar ortida Isroil turganini iddao qildi. Isroil tomonidan esa bu borada hozircha hech qanday bayonot berilmadi. Biroq Isroilning koʻplab qismlarida odamlar ushbu teraktlarni nishonladi.

Ijtimoiy tarmoqlarda paydo boʻlgan va Hizbulloh aʻʻzolari tomonidan qoʻllanilgani aytilayotgan uchta modelning nomlari qizgʻin muhokamalarga sabab boʻldi.

Unga koʻra, koʻrib chiqilayotgan peyjer modellaridan ikkitasi AQSh, biri Tayvan kompaniyalari tomonidan ishlab chiqarilgan mahsulotlardir.

Qurilmalardan biri 1900 yillarning boshidan telefonlar va boshqa aloqa qurilmalari ishlab chiqaradigan AQShning Motorola kompaniyasiga tegishli.

Biroq voqea sodir boʻlgan kunning kechki paytigacha “Hizbulloh” aʻʻzolarida portlagani yoki zarar koʻrgani tasdiqlangan hamda toʻgʻridan-toʻgʻri Motorola markasi boʻlgan peyjerlarning suratlari ijtimoiy tarmoqlarda tarqalmagan.

Motorola bilan bogʻliq boʻlgan Teletrim brendi qurilmalari ham tilga olingan boʻlsa-da, uning mahsulotlari tasvirlari qurilmalarning butun holatda ekanligiga eʻʻtibor qaratildi.

Ijtimoiy tarmoqlarda baham koʻrilgan soʻnggi qurilma Tayvanning Apollo Gold kompaniyasi tomonidan ishlab chiqarilgan va Gonkongdagi Apollo Systems HK kompaniyasi tomonidan sotiladigan Gold Apollo Rugged Pager AR924 mahsulotidir.

Xabarlarda Apollo brendi peyjerlarining parchalanib ketgani, ammo modeli haqidagi maʻʻlumotlarni oʻqish mumkin boʻlgan suratlari mavjud.

Boshqa tomondan, ushbu kompaniyalar mobil telefonlar va internetning keng qoʻllanilishi ortidan uzoq vaqt oldin ushbu qurilmalarni sotishni toʻxtatgan. Bu modellar esa ikkinchi qoʻl sotuvga oʻxshaydi.

Keyinroq Apollo Gold Livanda portlagan peyjerlarni ishlab chiqarmaganini eʻʻlon qildi va BAC Consulting kompaniyasiga ishora qildi.

Apollo Gold bayonotida «AR924» rusumli peyjer ishlab chiqarishda hech qanday vakolatga ega emasliklari bildirildi.

"Biz faqat savdo belgisiga ruxsat beramiz va ushbu mahsulotni loyihalash yoki ishlab chiqarishda ishtirok etmaymiz", deyiladi bayonotda. Kompaniya ushbu qurilmalarni ishlab chiqarish faqat brend litsenziyasidan foydalanishga ruxsat berilgan BAC Consulting nomli kompaniyaga tegishli ekanligi taʻʻkidlangan.

Mavzuga aloqador

Eng ko‘p o‘qilgan

Tavsiya qilingan