Tojikiston va Qirgʻiziston oʻrtasidagi bahsli chegaraning yana 1,1 kilometrini kelishib oldi va tegishli protokolni imzoladi. Ayni paytda ikki davlat oʻrtasidagi umumiy 972 kilometrlik chegaraning 889,45 kilometri yoki qariyb 90 foizi aniq belgilangan va chegara chizigʻi tortilgan. Qolgan qismlari bahsli hisoblanadi. Yaʻʻni, har ikki tomon ham oʻzini deb hisoblaydigan hududlar hamon mavjud.

Qozogʻiston prezidenti Qosim-Jomart Tokaev Oʻzbekiston tashqi ishlar vaziri Baxtiyor Saidovni qabul qildi. Suhbat chogʻida, jumladan, suv xoʻjaligi sohasida hamkorlik va Markaziy Osiyoda mintaqaviy xavfsizlikni taʻʻminlash masalalari muhokama qilindi.

AQSh Rossiyaga qarshi sanktsiyalarning Markaziy Osiyo davlatlariga salbiy taʻʻsirini yumshatish ustida ishlashda davom etish, mintaqa bilan savdo hajmini oshirish va u erga sarmoya oqimini oshirishga tayyorligini bildirdi.

Parijdagi Olimpiadada bronza medalini qoʻlga kiritgan qirgʻizistonlik bokschi Munarbek Seyitbek uuluga musobaqalar vaqtida sekundantlik qilgan oʻzbekistonlik murabbiy Akmal Hasanov Chingiz Aytmatov medali bilan taqdirlandi.

Qirgʻizistonning Issiqkoʻl boʻyidagi Choʻlpon-Ota shahrida Markaziy Osiyo mamlakatlari favqulodda vaziyatlar vazirliklari rahbarlarining mintaqaviy forum-kengashi boʻlib oʻtdi. Tadbirda Markaziy Osiyo zilzila, suv toshqinlari, koʻchki kabi tabiiy ofatlarga moyil zaif hudud boʻlib qolayotgani, aholi va hududlarni tabiiy hamda texnogen favqulodda hodisalardan himoya qilish boʻyicha oʻzaro hamkorlikni kuchaytirish zarurligi taʻʻkidlandi.

Qozogʻiston prezidenti Qosim-Jomart Toqaev davlat tashrifi bilan Tojikistonga keldi. Ikki tomonlama muzokaralarda davlatlar oʻrtasidagi siyosiy, iqtisodiy va ijtimoiy aloqalarni yanada kengaytirish, oʻzaro savdo aloqasini 2 mlrd dollarga etkazish masalalari muhokama qilindi. “Ittifoqchilik munosabatlarini mustahkamlash boʻyicha birgalikdagi saʻʻy-harakatlarimiz butun Markaziy Osiyo mintaqasida barqaror oʻsish va barqarorlikni taʻʻminlashga xizmat qiladi”, — dedi Toqaev tashrif davomida.