Gruziya parlamenti bir jinsli nikohlarni roʻyxatdan oʻtkazish, oʻz jinsini oʻzgartirgan yoki noanaʻʻnaviy yoʻnalishga ega shaxslarga bola asrab olish, jinsni oʻzgartirish boʻyicha tibbiy muolajalarni oʻtkazish va "LGBT tashviqoti" kabilarni taqiqlashni koʻzda tutuvchi qonun loyihasini koʻrib chiqmoqda. Hujjatning uzil-kesil kuzda qabul qilinishi kutilmoqda.

Gruziyada 26 oktyabrda boʻlib oʻtgan saylovlar siyosiy inqirozga sabab boʻldi. Ovoz berish natijalarini hech bir muxolifat partiya tan olmadi. Mahalliy kuzatuv missiyalari esa keng koʻlamli va ommaviy qoidabuzarliklardan dalolat bermoqda. Gruziya prezidenti saylovlarni noqonuniy deb eʻʻlon qildi va ularning oʻtkazilishini “Rossiya maxsus operatsiyasi” deb atadi.

Gruziya bosh vaziri Irakliy Kobaxidze noyabrʻ oxirida mamlakatning EIga qoʻshilishi boʻyicha muzokaralar 2028 yilgacha muzlatib qoʻyilganini maʻʻlum qilganidan soʻng norozilik namoyishlari kuchaydi. Beshinchi kundirki politsiya va namoyishchilar oʻrtasida toʻqnashuvlar sodir boʻlmoqda. Politsiya suv purkagich va koʻzdan yosh oqizuvchi gazdan foydalanmoqda, aholi esa barrikadalar qurib, politsiyaga mushaklarni yoʻnaltirmoqda.