Boshqirdistonda Fail Alsinov ekstremizmda ayblanib 4 yilga qamalishi ortidan minglab mahalliy aholi norozilik bildirib chiqdi. Politsiya va fuqarolar oʻrtasida toʻqnashuvlar kelib chiqdi, aholiga qarshi koʻzdan yosh oqizuvchi gaz va shovqinli granatalardan foydalanildi. Fail boshqird tilidagi nutqlaridan birida markaziy osiyoliklarni «kara xalyk» deb atab, ularning oʻz yurtlariga ketishlarini talab qilgan.

Ingushetiyaning Qorabuloq shahrida Rossiya maxsus kuchlari tomonidan aksilterror operatsiyasi oʻtkazildi. Shanba oqshomida ushbu shaharda qurollangan guruh yashiringan koʻp qavatli uylardan birida otishma sodir boʻldi. Maxsus operatsiya rejimi amalda qolishi maʻʻlum qilindi.