Avstraliyaning Melʻburn shahridagi Meadow Heights masjidida 30 nafar avstraliyalik ayol gʻozoliklarning Isroil qirgʻinbaroti oldidagi matonatidan taʻʻsirlanib, Islomni qabul qildi. Ular Falastin xalqiga hamdardligi orqali Islomga aloqadorligini his etgan va oxir-oqibat ushbu dinga oʻtishga qaror qilishgan.

Avstraliyada islomofobiyaga asoslangan ogʻzaki haqorat, qoʻrqitish, tahdid, zoʻravonlik va jismoniy kuch ishlatish koʻrinishidagi jinoyatlar soni 7 oktyabrdan buyon 39 baravarga oshgan. Falastin mustaqilligi tarafdori boʻlgan nomusulmon fuqarolarga ham tahdidlar kuzatilmoqda.

Avstraliya hukumati Isroilning 2015-2019 yillarda adliya vaziri, 2021-2022 yillarda esa ichki ishlar vaziri lavozimlarida ishlagan Aelet Shakedga viza berishni rad etdi. Bunga uning tashrifi Avstraliya jamiyatining ayrim qismlarini "tahqirlashi" va jamiyat ichida "nizo" qoʻzgʻatishi mumkinligi sabab qilib keltirildi.