Atashehirda maktab darslari juma namozi vaqtiga qarab tashkil etishga koʻrsatma berildi

Istanbulning Atashehir tumani Milliy taʻʻlim mudirligi maktablarga dars soatlarini juma namoziga koʻra tashkil etishni soʻrab koʻrsatma yubordi. Shuningdek, maktablarda juma namozini oʻqish uchun sharoit yaratish boʻyicha ham topshiriq berilgan.

Turk matbuoti xabarlarida keltirilishicha, Atashehir tumani Milliy taʻʻlim direktori Ismoil Yildirim tomonidan imzolangan mazkur xatning tumandagi barcha xususiy va davlat maktablariga 31 oktyabrʻ kuni yuborilgani maʻʻlum boʻldi. Unda quyidagi koʻrsatmalar keltirilgan:

• Juma kunlari tushlik tanaffuslari juma namozi vaqtiga qarab tashkil qilinadi.

• Oʻquv rejalari juma namozi vaqtlariga zid boʻlmaydigan tarzda tuziladi.

• Taʻʻlim-tarbiya faoliyatida hech qanday toʻsiqlarga olib kelmasdan, zarur ehtiyot choralari koʻriladi, juma namoziga qatnashmoqchi boʻlgan maʻʻmuriyat, oʻqituvchilar va boshqa xodimlarga zarur qulayliklar yaratiladi.

• Juma namozi, ayniqsa, umumtaʻʻlim maktablari masjidlarida oʻqishga boʻlgan ehtiyojni qondirish uchun shart-sharoit yaratib berish, kerak boʻlsa, tuman muftiyligi yoki imom-hatib litseylari bilan hamkorlik qilish kerak.

• Maktabda juma namozi oʻqish uchun sharoit yaratib boʻlmasa, juma namoziga bormoqchi boʻlgan oʻquvchilarga ota-onasidan ruxsatnoma olib, juma namoziga borishga ruxsat berish kerak.

Maʻʻlumot uchun Turkiya Milliy taʻʻlim vazirligi, Din ishlari vazirligi hamda Yoshlik va sport vazirligi hamkorlikda “Atrof-muhitga eʻʻtiborliman, qadriyatlarimga ega chiqaman (ÇEDES)” loyihasini amalga oshirmoqda. Loyiha doirasida imom, voiz, diniy xizmatlar boʻyicha mutaxassislar bolalarga qadriyatlar asosida saboq berib kelmoqda.