Xiva shahriga Islom olamining sayyohlik poytaxti sertifikati topshirildi

Sputnik

Islom hamkorlik tashkiloti (IHT) Oʻzbekistonning qadimiy Xiva shahriga “Islom olamining 2024 yilgi sayyohlik poytaxti” sertifikatini topshirdi. Sertifikatni Xiva hokimi Timur Davletovga IHT bosh kotibi oʻrinbosari Ahmad Kavesa Sengendo taqdim etdi.

Qadimiy shahar ushbu nominatsiyani 2022 yil iyunʻ oyida IHTga aʻʻzo davlatlar turizm vazirlarining Bokuda boʻlib oʻtgan XI sessiyasida olgan edi. Oʻshanda turizm poytaxti maqomi uchun BAAning Abu-Dabi, Turkiyaning Shonliurfa, Nigeriyaning Laos va Tojikistonning Dushanbe shaharlari ham kurashgandi.

“Islom hamkorlik tashkiloti tomonidan “Islom olamining sayyohlik shahri” maqomi berilgani Xiva shahrining xalqaro turizm bozorida yanada mashhur sayyohlik maskaniga aylanish imkonini yaratadi”, – dedi turizm qoʻmitasi raisining birinchi oʻrinbosari Jamshid Abdusalomov.

Turizm qoʻmitasi vakilining soʻzlariga koʻra, Xiva Markaziy Osiyoda toʻliq saqlanib qolgan yagona yodgorlik shahar hisoblanadi. Ushbu tarixiy shaharga oʻtgan yili 500 mingdan ziyod sayyoh tashrif buyurdi, turistlarning 20 foizga yaqini IHTga aʻʻzo davlatlardan. Kelgusida sayyohlar sonini 1 mln nafarga etkazish rejalashtirilgan.

Oʻzbekiston prezidenti qaroriga muvofiq, Xivaning turizm salohiyatini faol targʻib qilish maqsadida 2024 yilda shaharda Taste of Uzbekistan Festival gastronomik festivali, Pahlavon Mahmud xotirasiga bagʻishlangan «Strongmen» xalqaro bahodirlar oʻyini musobaqasi, «Xalqaro ziyorat turizmi haftaligi» va boshqa tadbirlar oʻtkazilishi belgilangan.

Maʻʻlumot uchun: bugungi kunda IHT 1,7 milliard aholiga ega 57 davlatni birlashtirgan dunyodagi eng yirik xalqaro tashkilotlardan biri hisoblanadi. Oʻzbekiston ushbu tashkilotga 1996 yilda aʻʻzo boʻlgan.

Mavzuga aloqador

Eng ko‘p o‘qilgan

Tavsiya qilingan

Reklama