Turkiya va Ukraina prezidentlari Istanbulda uchrashdi

Ukraina prezidenti Vladimir Zelenskiy rasmiy tashrif bilan Turkiyaga keldi. U Istanbul shahrida Turkiya prezidenti Rajab Toyyib Erdoʻgʻon bilan yopiq eshiklar ortida uchrashdi. Uchrashuvdan soʻng har ikki davlat rahbarlari jurnalistlar uchun bayonot berdi. Bayonotdagi asosiy fikrlar.

Rajab Toyyib Erdoʻgʻonning matbuot anjumanidagi asosiy fikrlari:

▪️ Janob Zelenskiy va Mitsotaki turgan joy yaqinida amalga oshirilgan raketa hujumi munosabati bilan samimiy hamdardlik bildiraman;

▪️ Biz Ukrainaning hududiy yaxlitligini qoʻllab-quvvatlaymiz. Urushning mintaqaviy va global oqibatlari kuchaymoqda;

▪️ Biz Rossiya ham ishtirok etadigan tinchlik sammitini oʻtkazishga tayyormiz;

▪️ Biz Ukrainaning tiklanishini ham faol qoʻllab-quvvatlaymiz;

▪️ Biz 10 milliard dollarlik maqsadni amalga oshirish uchun saʻʻy-harakatlarimizni kuchaytirishga kelishib oldik;

▪️ Erkin savdo bitimining tezroq kuchga kirishi, shubhasiz, Ukraina bilan munosabatlarga yangi surʻʻat bagʻishlaydi;

▪️ Maslahatlashuvlarimiz davomida Qora dengiz mintaqasi barqarorligi, eksport yoʻlaklari va kemalar xavfsizligi bilan bogʻliq masalalar yuzasidan fikr almashdik.

Vladimir Zelenskiyning asosiy fikrlari:

▪️ Bugun hibsda saqlanayotganlar, shu jumladan qrim-tatarlari ham boʻlgan tegishli roʻyxatni topshirdim. Bu odamlar Ukrainaning bosib olingan hududida gʻayriinsoniy sharoitda saqlanmoqda. Ularni ozod qilishimiz kerak;

▪️ Turkiya tinchlik rejasini amalga oshirishda ishtirok etishi kerak;

▪️ Janob prezident Erdoʻgʻon doim Ukrainaning hududiy yaxlitligini tan olgan va buni bildirgan. Buning uchun undan minnatdorman;

▪️ Mudofaa sanoati kompaniyalari va turk ishbilarmonlari dunyosi vakillari bilan uchrashishdan mamnunman. Biz erishadigan natijalarga ishonchim komil;

▪️ Turkiyaning saʻʻy-harakatlari tufayli jiddiy gumanitar natijalarga erishdik.

Mavzuga aloqador

Eng ko‘p o‘qilgan

Tavsiya qilingan

Reklama