Anqaradagi aviatsiya zavodi oldida portlash sodir boʻldi

Anqaradagi Turkiya Turkiya aviatsiya va kosmik sanoati zavodi (TUSAŞ) kirish qismida portlash sodir boʻldi. Turkiya ichki ishlar vaziri hodisani qoʻporuvchilik harakati deb atab, qurbonlar va yaradorlar borligini maʻʻlum qildi.

Turkiya aviatsiya va kosmik sanoatining (Türk Uçak Sanayii Anonim Ortaklığı – TUSAŞ) Anqaradagi zavodi kirish qismida portlash sodir boʻldi.

Turkiya ichki ishlar vaziri Ali Erlikaya mazkur hodisani qoʻporuvchilik harakati deb atab, qurbonlar va jarohatlanganlar borligini maʻʻlum qildi.

“Anqaraning Kahramankazan tumanidagi Turkiya aviatsiya va kosmik sanoati (TUSAŞ) obʻʻektlarida terroristik harakat amalga oshirildi.  Afsuski, hujum qurbonlar va jarohatlar bilan yakunlandi”, - dedi u.

IIV rahbari halok boʻlganlarning oila aʻʻzolariga hamdardlik bildirib, yaradorlarning tezroq sogʻayib ketishini tilar ekan, hodisa tafsilotlari keyinroq maʻʻlum qilinishini aytdi va fuqarolardan faqat rasmiy bayonotlarga ishonishlarini soʻradi.

CNN Türk manbalarining maʻʻlum qilishicha, hodisada ikki kishi halok boʻlgan.