Toshkentda behayolik, ichkilikbozlik va hamjinsbozlikni targʻib qilgan musiqiy guruh qamalib, soʻng ozod qilindi
Toshkentda musiqachilar va blogerlardan iborat guruh hazil niqobi ostida behayolik, ichkilikbozlik va hamjinsbozlikni targʻib qilgani uchun qoʻlga olinib, 15 sutkaga qamaldi. Apellyatsiya sudi ularni ozod qildi.
Jinoyat
ishlari boʻyicha Toshkent shahri sudi apellyatsiya instantsiyasi avvalroq yumoristik klipi
uchun hibsga olingan brbalo musiqiy guruhi aʻʻzolariga nisbatan hukmni
oʻzgartirdi. Bu haqda Gazeta.uz sud qarorini oʻrgangan holda xabar qildi.
Jinoyat
ishlari boʻyicha Yunusobod tumani sudi 9 oktyabrʻ kuni ularga Maʻʻmuriy javobgarlik
toʻgʻrisidagi kodeksning 183-moddasi (Mayda bezorilik / BHMning 3 baravaridan 5
baravarigacha miqdorda jarima yoki 15 sutkagacha maʻʻmuriy qamoqqa olishga sabab
boʻladi) va 194-moddasi 1-qismi (Ichki ishlar organlari xodimining qonuniy
talablariga rioya qilmaslik / BHMning 1 baravaridan 12 baravarigacha jarima
solishga sabab boʻladi) bilan 15 sutkaga qamoqqa olish jazosi tayinlagandi.
Apellyatsiya
instantsiyasi birinchi instantsiya sudi huquqbuzarlarning harakatlarini MJTK
moddalari boʻyicha toʻgʻri kvalifikatsiya qilgan, deb hisobladi.
«Biroq
birinchi instantsiya sudi Kamal Yusupov va Abror Gulyamovning ayblariga iqrorligini,
qilmishidan pushaymonligini, ularning shaxsini, oilaviy sharoitini hamda boshqa
engillashtiruvchi holatlarni inobatga olmasdan, 15 sutka maʻʻmuriy qamoq jazosini
tayinlab, ogʻirroq chora qoʻllagan», — deyiladi sud qarorida.
Shu
munosabat bilan sud apellyatsiyani qanoatlantirdi va qamoq muddatini 15 dan 6
sutkaga qisqartirdi, lekin jazoni oʻzgartirmadi. Bu ularga ozodlikka chiqish
imkonini berdi.
«Xudoga
shukur, biz uydamiz. Bizni qoʻllab-quvvatlaganingiz, biz bilan boʻlganingiz uchun katta
rahmat, bizda siz borligingizdan, kuchimiz borligidan juda xursandmiz.
Sogʻayishimiz uchun biroz dam olishimiz kerak. Va sizlar uchun ajoyib treklarni
yaratishda davom etamiz», — dedi Abror Gulyamov Kamal Yusupovning Instagram’ida
eʻʻlon qilingan videoda.
Nima
boʻlgan edi?
Avgust
oyi oxirida musiqachilar va blogerlardan iborat poytaxtning brbalo musiqiy
guruhi yangi «Aboka 2» klipini chiqargandi (video keyinchalik oʻchirilgan). Unda chet
el qoʻshiqlari oʻzbek tilida hazil ohangida ijro etilgan. Video prodyuserlari
sifatida Kamal Yusupov (bloger, go.uz yumoristik loyihasi ishtirokchisi) va Abror
Gulyamov (bloger, musiqachi, Oʻzbekiston KVN Oliy ligasi chempioni) koʻrsatilgan.
Ilgari jamoa «Uzbekistan» va «Mokryy asfalʻt» kabi boshqa yumoristik kliplarni
ham chiqargan.
8 oktyabrʻ
kuni Telegram kanallaridan biri mazkur klipni tanqid qilib, undan parchalar
tarqata boshladi.
Videoning
boshida ushbu video hazil tariqasida suratga olingani va 18 yoshdan oshganlarga
moʻljallangani haqida diskleymer yozilgan:
«U maxsus
material hisoblanib, hech kimni xafa qilish, his-tuygʻularini ranjitish maqsadida
olinmagan. Mualliflar hech qanday harakat talab qilmaydi va hech narsa daʻʻvo
qilmaydi. Video faqat kulgili maqsadlarda yaratilgan va unda LGBT tashviqoti yoʻq.
Biz tamaki mahsulotlari, alkogolʻ va giyohvandlikka qarshimiz. Videoda haqoratli
soʻzlar boʻlishi mumkin. Yosh chegarasi 18+. Agar siz ushbu videoni tomosha qilishni
davom etsangiz, rozilik bildirasiz va ogohlantirilgansiz!»
Videoda
yasama soch taqqan Kamal Yusupov intim xizmatlar sohasidagi ayol obrazini aks
ettiradi. Syujetga koʻra, Abror Gulyamov (Aboka) uni sevib qoladi, biroq keyinroq
soʻngra doʻst unga uylanayotganidan xabar topadi.
Sudga
ariza bilan Qashqar mahalla fuqarolar yigʻini raisi A.Toʻxtaev va uch nafar fuqaro
murojaat qilgan. Mahalla raisi sud majlisida video odob-axloq meʻʻyorlari va
anʻʻanalarga zid ekanini taʻʻkidlagan. Uning fikricha, blogerlarning ushbu
harakatlarida yoshlar, voyaga etmaganlarning tarbiyasiga salbiy taʻʻsir koʻrsatuvchi
holatlar mavjud, yoshlar tarbiyasiga eʻʻtibor qaratish dolzarb masala boʻlib qolgan
davrda ularning ushbu harakatlari oʻsib kelayotgan yosh avlodning odob-axloqiga oʻz
taʻʻsirini oʻtkazishi mumkin. MFY raisi ularga nisbatan qonuniy chora koʻrishni, bu
kelgusida yosh avlod uchun oʻrnak va dars boʻlishini bildirib koʻrsatuv bergan.
Qamoqqa
olish haqida xabar berilgach, koʻplab jamoatchilik faollari sud qarorini tanqid
qildi.