Sirdaryo viloyati Misrga mahsulot eksportini oshiradi

Sirdaryo viloyatidan Misrga mahsulotlar eksportini oshirish rejalashtirilmoqda. Viloyat maʻʻmuriyati vakillari va Misrning Bell Energy kompaniyasi direktorlar kengashi raisi Xaysam Husayn uchrashuvida bu masalalar koʻtarildi. Tomonlar energetika, suv va qishloq xoʻjaligi, geologiya, farmatsevtika, savdo, zargarlik, asalarichilik va boshqa sohalarda ehtimoliy hamkorlik yoʻnalishlarini ham muhokama qilgan. 

Sirdaryo viloyati hokimligi vakillari va Misrning Bell Energy kompaniyasi direktorlar kengashi raisi Xaysam Husayn uchrashuvida viloyatdan Misrga mahsulot eksportini oshirish masalalari muhokama qilindi, deb xabar beradi «Dunyo» axborot agentligi.

Investorga hududning sarmoyaviy va eksport salohiyati, imkoniyatlari haqida soʻzlab berildi.

Bundan tashqari, Oʻzbekiston va Misr Samarqand viloyatida suv xoʻjaligi sohasida loyihalarni rejalashtirmoqda.

Oʻz navbatida, misrlik tadbirkor respublikaning turli tarmoqlarida amalga oshirilayotgan loyihalarda pudratchi va investor sifatida ishtirok etish istagini bildirgan.

Tomonlar energetika, suv va qishloq xoʻjaligi, geologiya, farmatsevtika, savdo, zargarlik, asalarichilik va boshqa sohalarda mumkin boʻlgan hamkorlik yoʻnalishlarini muhokama qilgan.

"Bu hududda etishtirilgan mahsulotlarni Misrga eksport qilish hajmini oshirishga alohida eʻʻtibor qaratildi. Xususan, bugʻdoy va un, meva-sabzavot, dukkakli ekinlar va boshqa qishloq xoʻjaligi mahsulotlarini eksport qilish istiqbollari atroflicha muhokama qilindi”, — deyiladi xabarda.