Oʻz viloyati sel qurbonlar va vayronagarchiliklarga sabab boʻldi

Oʻz viloyati sel qurbonlar va vayronagarchiliklarga sabab boʻldi

14 iyulʻ kuni kuchli yogʻingarchilik tufayli Qirgʻizistonning Oʻsh viloyatining koʻplab hududlarida sel keldi. Oqbuyra daryosi qirgʻoqlaridan toshib, Oʻsh shahri koʻchalarini, jumladan, markaziy bozorni suv bosdi. Eng kamida besh kishi – “Mol Buloq” dam olish zonasida suv oqimi 44 yoshli ayol va uning 6, 10, 19 yoshli qizlarini oqizib ketdi, Oʻsh shahrida odamlarni evakuatsiya qilish jarayonida qatnashayotgan erkakni esa KamAZ tasodifan yurib ketishi natijasida bosib ketdi va oʻlimiga sabab boʻldi.

Oʻsh shahrida suv toshqini oqibatlari bartaraf etilgunga qadar favqulodda holat joriy etildi. 300 nafarga yaqin kommunal xizmat xodimlari, Favqulodda vaziyatlar vazirligi qutqaruvchilari hamda Oʻsh garnizoni harbiy xizmatchilari yoʻl va inshootlarni suv toshqinlaridan tozalashda ishtirok etmoqda. Dastlabki maʻʻlumotlarga koʻra, Oʻsh viloyati va Oʻsh shahrida sel oqibatida Qora-Suv taqsimlash zonasining 7,5 ming nafar isteʻʻmolchisi elektr taʻʻminotisiz qolgan. Sel 8 ta elektr ustunlarini yuvib ketgan. Oqim ettita mashinani ham yuvib ketgan, ulardan toʻrttasi topilgan.

7 yoshli qizning jasadi Oʻzbekistondan topildi

Jasad kecha, 14 iyulʻ kuni taxminan soat 22:10 da Andijon (Oʻzbekiston) shahridagi Shahronsoy kanalidan topilgan. «Dostuk» nazorat-oʻtkazish punktida uning jasadi Qirgʻiziston tomoniga topshirilgan.

Favqulodda vaziyatlar vazirligidagi Kaktus.media tahririyatiga aniqlik kiritishicha, qiz Toʻloykan qishlogʻidagi «Molbuloq» dam olish maskanida bedarak yoʻqolganlardan biri. Uning onasi va ikki opasini qidirish ishlari davom etmoqda.

Oʻsh shahridagi bozorlardan birida loy oqib ketgan ayolni ham qidirish ishlari olib borilmoqda.

Vayronagarchiliklar

Oʻsh shahrida sel oqibatida 146 turar-joy binosi va bitta bolalar bogʻchasi vayron boʻlgan. Bu haqda Qirgʻiziston Favqulodda vaziyatlar vazirligi matbuot xizmati xabar berdi.

Oʻsh viloyatining Qora-suv tumani Madi, Dodhoh, Boshbuloq qishloqlarida 642 ta uy va 9 ta ijtimoiy obʻʻektni suv bosdi. Toʻrtta maktab, bitta bolalar bogʻchasi, ikkita shifoxona, muzey va tez tibbiy yordam punkti binolari shikastlangan.

Andijonda koʻprikni suv yuvib ketdi

Andijon viloyatining Xoʻjaobod va Jalaquduq tumanlarida ham sel toshqinlari koʻprik qulashiga sabab boʻldi.

Koʻprik Jalaquduq tumani Yorqishloq qishlogʻidan oʻtuvchi «Oqboʻyra soy» ustiga qurilgan. Iqlimshunos Erkin Abdulahatovning yozishicha, uning qulab tushishida soyda qoʻshni Qirgʻizistondan oqib kelgan va toʻsatdan yuz bergan kuchli sel hodisasi asosiy omil boʻlishi mumkin.

Hodisa natijasida hech kim jabrlanmagani maʻʻlum qilindi.

Andijon viloyati hokimligi matbuot xizmatining maʻʻlum qilishicha, ayni daqiqalarda viloyat hamda har ikki tuman rahbariyati vakillaridan tarkib topgan ishchi guruhi voqea joyiga etib borgan va ish olib bormoqda.

Mavzuga aloqador

Eng ko‘p o‘qilgan

Tavsiya qilingan

Reklama