Japarov: Qirgʻizistonni xavfsiz davlatga aylantiramiz

Bishkekda Qirgʻiziston prezidenti va boshqa rasmiy shaxslar ishtirokida ikkinchi Xalq qurultoyi oʻz ishini davom ettirmoqda.

Qirgʻiziston poytaxti Bishkek shahrida boʻlib oʻtayotgan ikkinchi Xalq qurultoyida mamlakat prezidenti Sadir Japarov qator masalalar, jumladan, mamlakatdagi ishsizlik muammosi, migratsiya kuchayishi haqida fikr bildirdi.

“Buning uchun aytamanki, Qirgʻizistonda ish oʻrinlari bor. Aksincha, kadrlar etishmaydi. Bugungi kunda 10 mingdan ortiq ish oʻrni mavjud. Taʻʻlim, toʻqimachilik, qurilish kabi sohalarda etishmovchilik (ishchi kuchiga – tahr.) mavjud. Bu sohalarning barchasida yaxshi maoshlar mavjud. Yaqin kelajakda yirik qurilish loyihalari kutilmoqda. Bizga yaxshi quruvchilar kerak”, — dedi Japarov.

Prezident Qirgʻizistonda raqamlashtirish mavzusiga toʻxtalar ekan, bugungi kunda «Qumtor» konida 300 ta videokamera oʻrnatilganini aytdi.

“Korxonalar va fabrikalarda videokuzatuv kameralari bor. Ular kechayu kunduz ishlaydi. Oltinning har bir grammi mening nazoratim ostida”, - deydi u.

Qirgʻiziston etakchisi chegaralradagi nazorat-oʻtkazish punktlarida ham, bojxona rasmiylashtiruvi punktlarida ham videokuzatuv kameralari ulanganini taʻʻkidladi.

“Nazorat punktlarida qancha mashina oʻtayotganini, qanday yuk oʻtayotganini koʻrish mumkin. Biz nazorat-oʻtkazish punktlari sonini ham koʻpaytirmoqdamiz. Bojxona xizmatida hech qachon bunday ochiq ish boʻlmagan”, — dedi u.

Qirgʻiziston chegaralarida raqamlashtirish qizgʻin davom etayotgani taʻʻkidlandi. “Chegarada yashovchi har bir inson tinch uxlashi kerak. Biz Qirgʻiziston Respublikasini xavfsiz davlatga aylantiramiz”, - deya vaʻʻda berdi Japarov.

Sadir Japarov respublika energetika sohasida ishlashga ham eʻʻtibor qaratdi.

“GESlarda qancha energiya sarflanishini ham koʻrish mumkin. “Toktogul” suv omborida qancha suv yoʻqotilayotganini kuzatish mumkin. Mamlakatimiz energetikasi haqida tarqalayotgan mish-mishlarga ishonmang. Har bir tomchi suv bizning nazoratimiz ostida”, - deya taʻʻkidladi Qirgʻiziston rahbari.

Ikkinchi Xalq qurultoyi 15 dekabrʻ kuni Bishkekda Qirgʻiziston prezidenti Sadir Japarov ishtirokida boshlangan edi. Qurultoy ishida Joʻqorgʻi Kenesh spikeri Nurlanbek Shakiev, Vazirlar Mahkamasi raisi Oqilbek Japarov, Vazirlar Mahkamasi aʻʻzolari, davlat va munitsipal xizmatchilar ham ishtirok etmoqda.

Xalq sektori 700 delegat, jumladan, respublikaning barcha viloyatlaridan 640, etnik guruhlardan 30 va chet eldagi mehnat muhojirlarining 30 nafarlik delegatidan iborat.

Mavzuga aloqador

Eng ko‘p o‘qilgan

Tavsiya qilingan

Reklama