Markaziy Osiyo davlatlari va AQSh oʻrtasida «C5+1» formatidagi yigʻilish boʻlib oʻtdi
AQShning Nʻyu-York shahrida Oʻzbekiston, Qozogʻiston, Qirgʻiziston, Tojikiston va Turkmaniston tashqi ishlar vazirlari hamda AQSh davlat kotibi oʻrtasida «C5+1» formatidagi uchrashuv boʻlib oʻtdi.
27 sentyabrʻ kuni Nʻyu-York shahrida BMT Bosh Assambleyasining 79
yillik sessiyasi doirasida «C5+1» mintaqaviy diplomatik platformasi shafeligida
Oʻzbekiston, Qozogʻiston, Qirgʻiziston, Tojikiston va Turkmaniston tashqi ishlar
vazirlari hamda AQSh davlat kotibi oʻrtasida uchrashuv boʻlib oʻtdi.
Oʻzbekiston TIV
matbuot xizmatining xabar qilishicha, uchrashuvda Oʻzbekiston tashqi ishlar
vaziri iqtisodiy hamkorlikni kengaytirish, barqaror rivojlanishni
qoʻllab-quvvatlash, transport-logistika oʻzaro bogʻliqligini mustahkamlash,
mintaqada tinchlik va farovonlikka koʻmaklashish borasidagi saʻʻy-harakatlarning
ahamiyatini taʻʻkidlagan.
Taʻʻkidlanishicha, ekologik oʻzgarishlar oqibatlarini yumshatish boʻyicha birgalikdagi
saʻʻy-harakatlarga alohida eʻʻtibor qaratilgan.
«AQSh Davlat kotibi Entoni Blinken 2023 yil 19 sentyabrda
boʻlib oʻtgan „C5+1“ davlat rahbarlarining birinchi sammiti yakunlari boʻyicha
erishilgan kelishuvlarni, shuningdek, Nʻyu-York deklaratsiyasini samarali amalga
oshirishga sodiqligini bildirib, mineral resurslar boʻyicha „C5+1“ muloqotining;
AQSh va Markaziy Osiyo biznes hamkorligini qoʻllab-quvvatlash boʻyicha birinchi „B5+1“
forumi va nogironlik huquqlari boʻyicha „C5+1“ maxsus sessiyasi oʻtkazilayotgani
olqishladi», — deyiladi xabarda.
Ishtirokchilar, shuningdek, terrorizm,
ekstremizm, narkotrafik, transmilliy va kiberjinoyatchilikka qarshi kurashish hamda
radikallashuvga qarshi kurashish boʻyicha birgalikdagi saʻʻy-harakatlarni yanada
faollashtirish va muvofiqlashtirish zarurligini tilga olgan.
2025 yilda «C5+1» formati doirasidagi hamkorlikning oʻn
yilligi nishonlanadi.
Shu munosabat bilan tomonlar mintaqa mamlakatlari va AQShning global masalalarga
mintaqaviy echimlarni izlashni davom ettirish, shuningdek, «C5+1» diplomatik
platformasi doirasida hamkorlikni chuqurlashtirish istagini olqishlagan.
Mavzuga aloqador
-
Eronda boʻlib oʻtgan prezidentlik saylovlarining ikkinchi bosqichi islohotchilar bloki vakili Masud Pezeshkian gʻalabasi bilan yakunlandi. Masud Pezeshkian uchun saylovchilarning 53,6 foizi ovoz berdi. 69 yoshli siyosatchi Eron gʻarbida etnik ozarbayjonlar oilasida dunyoga kelgan.
-
Oʻzbekiston Oliy sudi taqiqlangan manbalarning yangi roʻyxatini eʻʻlon qildi. 2019 yildan hozirga qadar Oliy sudning 80 dan ziyod hal qiluv qarori asosida 1 000 dan ortiq manba taqiqlangani aytilmoqda.
