Fargʻonalik oʻquvchi qiz Microsoft’ning Oʻzbekistondagi ilk ambassadori boʻldi
Fargʻona viloyatidagi maktablardan birining 11-sinfida tahsil oluvchi qiz Microsoft kompaniyasining yoshlarga moʻljallangan Microsoft Learn Student dasturi ambassadori – ramziy elchisi boʻldi. U kompaniya tomonidan bir yil davomida berilgan texnik vazifa va shartlarni, jumladan, sunʻʻiy intellekt boʻyicha 30 ta moduldan iborat dars va topshiriqlarni bajardi.
Fargʻona viloyatidagi maktablardan birining 11-sinfida tahsil oluvchi Dilafruz Joʻraboeva Microsoft
kompaniyasining yoshlarga moʻljallangan Microsoft Learn Student dasturi ambassadori
– ramziy elchisi boʻldi. Bu haqda axborot texnologiyalari sohasida muvaffaqiyatga
erishayotgan ayollarga bagʻishlangan IT Ladies Uzbekistan jurnali xabar qildi.
Qayd
etilishicha, mazkur dastur kompaniyaning yoshlarga moʻljallangan loyihasi boʻlib, butun
dunyo boʻylab texnologiya sohasida bilimli, faol va intiluvchan yoshlarni saralab
oladi. Dilafruz axborot texnologiyalari sohasida qator ishlarni amalga oshirib
kelayotgan oʻzbek qizlaridan. Ayni damda maktab oʻquvchisi boʻlishiga qaramasdan, turli
kompaniyalarda frilanser sifatida faoliyat olib boradi.
Microsoft
Learn Student dasturi dasturida ambassador boʻlgan yoshlar texnik va etakchilik
boʻyicha treninglar, Microsoft’ning keng taʻʻlim resurslariga kirish va kelajakni
yaratishga ishtiyoqi baland boʻlgan yoshlarni birlashtirish imkonini qoʻlga kiritadi.
“Ushbu
loyihaga topshirishim ham, kirishim ham oson kechmadi. Texnik tomondan
bilimlarim yaxshi boʻlgani uchun meni nominatsiyaga qoʻyishdi. 1 yil davomida kompaniya
tomonidan berilgan turli shartlar va topshiriqlarni aʻʻlo darajada bajarish talab
etildi. Shulardan biri Sunʻʻiy intellekt texnologiyasi boʻyicha berilgan 30 ta
moduldan iborat dars va topshiriqlar boʻldi”, - dedi Dilafruz.
Bundan tashqari Ambassadorlar uchun Amerikaga viza olish va
sayohat qilish qilish imkoniyatlari yaratiladi. Talaba tomonidan yoshlar uchun
oʻtkaziladigan tadbirlarga uchun xomiylik beriladi. Kompaniyaning barcha
mahsulotlari premium talqinlari bepul taqdim etiladi.
Ayni damda Dilafruz Yandex uchun oʻqish va stajirovkaga
topshirgan, sinovlardan yaxshi oʻtsa ushbu kompaniyaning ham katta loyihalariga qoʻshilish imkoniyatiga ega
boʻladi.
Dilafruz Microsoft Developers Community Uzbekistan, Sado24, NET
Documentation Uzbekistan kabi
startap,
koʻplab hakaton va musobaqalar ishtirokchisi. IT Community Uzbekistan’ning Fargʻona
vodiysi boʻylab ambassadori.
2024 yilda u
IT Star tanlovida ishtirok etib, Oʻzbekistondagi eng yaxshi va faol “AyTi” sohasidagi 46 nafar ayol va qizlar
qatoridan joy olgan.
ICT4Girls olimpiadasining Oʻzbekistondagi Competitive
Programmer Qizlar, yaʻʻni Sport dasturchi
qizlar olimpiadasida ishtirok etib Oʻzbekistondagi top 12ta sport dasturchi qizlar
jamoasiga qoʻshilgan.
Mavzuga aloqador
-
Oʻzbekiston prezidenti Shavkat Mirziyoev Qozogʻiston prezidenti Qasim-Jomart Toqaevning taklifiga binoan 7-9 avgust kunlari davlat tashrifi bilan ushbu mamlakatda boʻladi. Ikki tomonlama muzokaralardan tashqari, Oʻzbekiston prezidenti 9 avgust kuni Ostonada boʻlib oʻtadigan Markaziy Osiyo davlatlari rahbarlarining navbatdagi Maslahat uchrashuvi va "Markaziy Osiyo + Yaponiya" muloqotining birinchi sammitida ham ishtirok etadi.
-
Ukraina prezidenti Vladimir Zelenskiy Markaziy Osiyo davlatlari urushda betaraf boʻlishiga qaramasdan, "Kremldan qoʻrqqani uchun RF tomonga moyilroq" ekanini taʻʻkidladi. Bunga Qozogʻiston javob qaytardi.
