17 mingdan ortiq oʻzbekistonlik AQShdan boshpana soʻragan
AQShdan deportatsiya qilingan oʻzbekistonliklar.
2023 yilda Amerikaga 50 mingdan oshiq markaziy osiyolik noqonuniy kirgan. AQSh sudlaridan 17 mingdan ziyod Oʻzbekiston, 7 ming nafar Qirgʻiziston, 3 ming nafar Tojikiston , 2,7 ming nafar Qozogʻiston va 2 ming nafar Turkmaniston fuqarolari boshpana soʻragan.
2023
yilda AQShga 50 mingdan oshiq markaziy osiyolik noqonuniy ravishda chegarani kesib
oʻtgan, deya maʻʻlum qildi Montana shtati senatori Stiv Deyns "yuqori martabali
amaldor" maʻʻlumotlariga tayanib.
Deyns
muhojirlar oqimidan xavotir bildirib, ularning baʻʻzilari "AQSh hududida
terroristik hujumlar uyushtirishi mumkin boʻlgan uyqudagi yacheykalar" shaklida
potentsial xavf tugʻdirishi mumkinligini taʻʻkidladi.
AQShda
boshpana soʻrovlari boʻyicha sud majlislarini kuzatuvchi Transaction Records
Analysis Center (TRAC) maʻʻlumotlariga koʻra, hozirda Markaziy Osiyo
davlatlarining kamida 40 ming fuqarosi ish koʻrishi kutilmoqda. Ularning 17
ming nafari Oʻzbekiston, 7 ming nafari Qirgʻiziston, 3 ming nafari Tojikiston,
2,7 ming nafari Qozogʻiston va 2 ming nafari Turkmaniston fuqarolaridir.
Chegaradagi muhojirlar inqirozi munosabati bilan senator AQSh
prezidenti Jo Baydenga murojaat qilib, uni chora koʻrishga chaqirdi.
Daily Mail tomonidan taqdim etilgan rasmiy statistik
maʻʻlumotlarga koʻra, Bayden 2021 yilda prezidentlikka kelganidan beri 7,3
milliondan ortiq muhojir AQSh chegarasini noqonuniy kesib oʻtgan. Bir oy ichida
chegarani kesib oʻtgan muhojirlarning rekord soni 2023 yil dekabrida qayd etilgan va 302 ming kishidan oshgan.
Ulardan 19 nafari FQBning qidiruvdagi terrorchilar roʻyxatida boʻlgan.
Taʻʻkidlash
joizki, migratsiya masalasi 2024 yilgi prezidentlik saylovi kampaniyasining
asosiy jihatlaridan biriga aylandi.
Reuters-Ipsos agentligining 31 yanvarʻ kuni oʻtkazilgan soʻrovi
Amerikaning migratsiya muammolariga qiziqishi ortib borayotganini koʻrsatdi,
respondentlarning 17 foizi ushbu
masalani AQShning ayni damdagi eng dolzarb muammosi deb atagan.
Eslatib
oʻtamiz, 3 mart kuni 74 nafar, 2023 yilning dekabrida esa 119 nafar Meksika
orqali AQShga noqonuniy oʻtgan Oʻzbekiston fuqarosi AQShdan deportatsiya qilindi. AQShning
Toshkentdagi elchixonasi Amerikaga noqonuniy ravishda borganlarni deportatsiya qilish
davom etishini bildirdi.
.png)
Mavzuga aloqador
-
Respublikachi Greg Ebbott AQSh prezidenti Jo Bayden shtatni oʻz holiga tashlab qoʻyganini iddao qildi.
-
AQShning Texas shtati mamlakatning janubiy chegaralaridan oqib kelayotgan noqonuniy muhojirlarga qarshi qatʻʻiy qonunlar qabul qilib, chegaralarga tikanli sim toʻsiqlarni oʻrnatmoqda. Bu esa Jo Bayden boshchiligidagi federal hukumatga maʻʻqul kelayotgani yoʻq. Natijada chegara hududida federal hukumatga boʻysunuvchi chegara xizmati hamda shtat maʻʻmuriyati boʻysinuvidagi Milliy gvardiya xodimlari oʻrtasida ham ziddiyatlarni keltirib chiqarmoqda. Azon Global tahlilchisi Muhammad Dovud Asadulloh ushbu vaziyatga bir qur nigoh tashladi.
