Zelenskiy AQSh prezidenti Jo Bayden va Vakillar palatasi spikeri bilan uchrashadi
Ukraina prezidenti Vladimir Zelenskiy 11 dekabrʻ, dushanba kuni AQShga tashrif buyurib, Amerika etakchisi Jo Bayden bilan uchrashadi. Bu haqda prezident devoni Telegram`da maʻʻlum qildi.
Qayd
etilishicha, Vashingtondagi muzokaralarda asosan Ukraina va AQSh oʻrtasidagi
mudofaa sohasidagi hamkorlikni davom ettirish, xususan, qurol-yarogʻ va havo
hujumiga qarshi mudofaa tizimlarini ishlab chiqarish boʻyicha qoʻshma loyihalar,
shuningdek, kelgusi yilda
ikki davlatning saʻʻy-harakatlarini muvofiqlashtirish masalalari muhokama qilinadi.
Oq uy
matbuot xizmatining taʻʻkidlashicha, Zelenskiy-Bayden uchrashuvi "Rossiya
Ukrainaga qarshi raketa va dron hujumlarini kuchaytirayotgan bir paytda" juda
muhim ahamiyat kasb etadi.
Vladimir Zelenskiy, shuningdek, AQSh parlamentining quyi palatasi – Vakillar palatasi spikeri Mayk Jonson bilan ham uchrashadi. Mayk Jonson Ukrainaga ajratilishi soʻralayotgan moddiy mablagʻlarni mamlakat janubiy chegaralarida immigratsiya islohotlariga yoʻnaltirishni taklif qilmoqda.
Eslatib
oʻtamiz, oʻtgan hafta AQSh Senati Ukrainaga harbiy yordamni qoʻshimcha moliyalashtirish
toʻgʻrisidagi qonun loyihasini rad etgan edi.
.png)
Mavzuga aloqador
-
Amerikadagi arablar va musulmonlar shtatlarda Prezident Jo Baydenning Isroil va Gʻazo borasidagi siyosatiga qarshi kampaniya boshlashni rejalashtirmoqda.
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
