Vladimir viloyati Rossiyada birinchi boʻlib maktablarda hijobni taqiqladi

Vladimir viloyati Rossiyada birinchi boʻlib maktablarda hijob va niqobni butunlay taqiqladi. Ushbu qaror Rossiya “cherkov davlatdan, jumladan, taʻʻlim tizimidan ajratilgan dunyoviy davlat” ekanligi bilan bogʻliq ekani bahona qilindi.

Vladimir viloyati taʻʻlim va yoshlar siyosati vazirligi mintaqadagi taʻʻlim muassasalarida diniy liboslar, jumladan, hijob va niqob kiyishni rasman taqiqladi. Tegishli buyruq 2024 yil 25 oktyabrda eʻʻlon qilingan.

Departamentning «VKontakte» ijtimoiy tarmogʻidagi sahifasida aniqlik kiritilishicha, bu qaror Rossiya “cherkov davlatdan, jumladan, taʻʻlim tizimidan ajratilgan dunyoviy davlat” ekanligi bilan bogʻliq. «Vedomosti» nashrining taʻʻkidlashicha, Vladimir viloyati Rossiyada doimiy ravishda bunday taqiqni qabul qilgan birinchi mintaqa boʻldi.

2024 yilning may oyida Davlat Dumasi spikeri oʻrinbosari Vyacheslav Davankov taʻʻlim muassasalariga yuzni berkituvchi diniy kiyim kiyishga cheklovlar oʻrnatishga ruxsat beruvchi qonun loyihasini taklif qilgandi.

Biroq ushbu taklif Checheniston hukumati vakillari tomonidan tanqid qilindi. Xususan, Davlat Dumasi deputati Adam Delimxonov respublika rasmiylari yuzni berkituvchi niqob kiyishni «maʻʻqullamaydi», biroq hijob “musulmon ayolning diniy burchi” ekanini aytdi. Checheniston rahbari Ramzan Qodirov ham taqiqga qarshi chiqdi.

2024 yil iyunʻ oyida Tergov qoʻmitasi rahbari Aleksandr Bastrikin Rossiyada “terror xurujlari tahdidi”ni keltirib, niqab kiyishni «shoshilinch» taqiqlashga chaqirdi. Bunga javoban Dogʻiston va Qorachoy-Cherkesiya muftiylari oʻz hududlarida niqob taqishni vaqtinchalik taqiqladi.