Vakillar palatasi Bayden impichmenti boʻyicha tergov oʻtkazilishini maʻʻqulladi

AQSh Kongressi Vakillar palatasi mamlakatning amaldagi prezidenti Jo Baydenga nisbatan impichment tekshiruvini oʻtkazishga ruxsat beruvchi rezolyutsiyani yoqlab ovoz berdi.

Tashabbusni 221 respublikachi qoʻllab-quvvatladi. 212 demokrat kongressmen unga qarshi ovoz berdi.

Tergov Oq uy rahbarining oʻgʻli Xanter Baydenga ham taalluqli. Respublikachilar u oʻz biznes faoliyatida otasining taʻʻsiridan foydalanganligini iddao qilmoqda.

Maʻʻlumot uchun, AQShning avvalgi prezidenti Donalʻd Trampga 2016 yildan 2020 yilgacha davlat rahbari boʻlgan davrida Vakillar palatasi tomonidan ikki marta impichment eʻʻlon qilingan, biroq Senatdagi ovoz berishdan keyin u oqlangan edi.

Avvalroq Jo Baydenning oʻgʻli Xanter Bayden hukumatga 1,4 million dollarlik soliqlarni toʻlashdan boʻyin tovlagani bilan bogʻliq toʻqqizta jinoyatda ayblanayotgani, aybi isbotlansa, 17 yilga qamalishi mumkinligi haqida yozgan edik.