Ukrainadagi urushda qatnashib, RF fuqaroligini olgan xorijliklar soni maʻʻlum qilindi
Rossiya Ichki ishlar vaziri rasmiy vakili Irina Volk Ukrainadagi urushda qatnashib, Rossiya fuqaroligini olgan xorijliklar sonini maʻʻlum qildi.
Rossiya
Ichki ishlar vazirligi Ukrainadagi urushda qatnashib, Rossiya fuqaroligini olgan
xorijliklar sonini maʻʻlum qildi, deb yozadi Lenta.ru.
Rossiya
Ichki ishlar vazirligining rasmiy vakili Irina Volkning soʻzlariga koʻra, shu vaqt
ichida Ukrainadagi urushning 3344 nafar xorijiy ishtirokchilari RF fuqaroligini
olgan.
Avvalroq,
oktyabrʻ oxirida Rossiya ichki ishlar vaziri Vladimir Kolokoltsev 2024 yil boshidan
buyon 1,2 ming kishi Rossiya fuqaroligidan mahrum etilganini maʻʻlum qilgan edi.
Ularning aksariyat Ukrainadagi urushda qatnashishdan bosh tortgan yangi fuqarolardir.
Iyunʻ oyi
oxirlarida esa Rossiya Tergov qoʻmitasi raisi Aleksandr Bastrikin Rossiya
fuqaroligini olgan qariyb 10 ming muhojir maxsus harbiy operatsiya (Rossiya
hukumati Ukrainada olib borayotgan urushini shunday ataydi – Azon Global) ishtirokchisi
boʻlganini maʻʻlum qilgan.
Yanvarʻ
oyida Rossiya prezidenti Vladimir Putin Ukrainadagi urushda qatnashgan chet
elliklar uchun Rossiya pasportini olish tartibini soddalashtirish toʻgʻrisidagi
farmonni imzolagan edi.
Mavzuga aloqador
-
Rossiya Tergov qoʻmitasi rahbari Aleksandr Bastrikin mamlakatda oʻtkazilgan reydlar davomida RF fuqaroligini olgan 30 ming muhojir (ular begonalarni fuqarolik olsa ham oʻziniki hisoblashmaydi) aniqlangani, 10 ming RF fuqaroligiga ega muhojir Ukrainadagi urushda qatnashganini maʻʻlum qildi.
-
Rossiya Davlat dumasi deputatlari RF fuqaroligini olgan xorijliklar uchun harbiy xizmat muddatini uzaytirish hamda chaqiruv yoshini oshirish taklifini ilgari surdi. Ayni paytda Rossiya Qurolli kuchlari safida xizmat qilish muddati bir yil, eng yuqori chaqiruv yoshi esa 30 yoshni tashkil etadi.
