Tramp muhojirlarni «hayvonlar» deb atadi

AQShning sobiq prezidenti va boʻlajak saylovlarda prezidentlikka ehtimoliy nomzod Donalʻd Tramp saylovchilar bilan uchrashuvda muhojirlarni bir necha bor “hayvonlar” deb atadi. Shuningdek, u Lotin Amerikasi davlatlarini oʻz jinoyatchilarini ataylab AQShga joʻnatayotganlikda aybladi.

AQShning sobiq prezidenti va boʻlajak saylovlarda prezidentlikka ehtimoliy nomzod Donalʻd Tramp Michigandagi tadbirda huquq-tartibot idoralari xodimlari bilan birga paydo boʻldi va immigratsiya nazoratini kuchaytirish zarurligini taʻʻkidlab, boshqa millat vakillari tomonidan sodir etilgan bir qancha jinoyatlarni sanab oʻtdi.

TRT`ning yozishicha, muhojirlar tomonidan sodir etilgani aytilayotgan bir qancha jinoyatlarni sanab oʻtgan Tramp noqonuniy muhojirlar hayvonlardir degan xulosaga keldi.

“Demokratlar ularni “hayvon” demanglar, ular odamlardir, deyishadi. Lekin men: yoʻq, ular odamlar emas, ular odamlar emas, ular hayvonlar, deb aytaman. [...] Men «hayvon» soʻzini ishlataman, chunki ular shunday”, — dedi AQShning sobiq prezidenti.

Donalʻd Tramp oʻz chiqishlarida tez-tez Meksika bilan chegarani noqonuniy kesib oʻtgan muhojirlar oʻz mamlakatlaridagi qamoqxonalardan qochib, AQShda jinoyatchilik, jumladan, zoʻravonlik jinoyatlarining koʻpayishiga hissa qoʻshayotganini taʻʻkidlaydi. Biroq odatda oʻz tezislarini tasdiqlovchi statistik maʻʻlumotlarni keltirmasdan, faqat alohida voqealar misollari bilan cheklanadi.

Shuningdek, u seshanba kuni Lotin Amerikasi davlatlari oʻz jinoyatchilarini ataylab AQShga joʻnatayotganini yana bir bor taʻʻkidladi.

Qoʻshma Shtatlardagi jinoyatchilarning immigratsiya maqomi toʻgʻrisida mavjud maʻʻlumotlar kam boʻlsa-da, tadqiqotchilarning taʻʻkidlashicha, AQShda noqonuniy yashovchi odamlar amerikaliklarning oʻziga qaraganda koʻproq zoʻravonlik jinoyatlarini sodir etmaydi.