Tojikiston “Krokus” boʻyicha gumondorlarni qiynoqqa solmaslikka chaqirdi
Tojikiston Tashqi ishlar vazirligi “Krokus”dagi qoʻporuvchilikni tergov qilishda gumonlanuvchilarni qiynoqqa solmaslikka chaqirdi.
Tojikiston
Tashqi ishlar vazirligi Moskva yaqinidagi “Krokus Siti Xoll” kontsert zalida sodir
etilgan qoʻporuvchilik harakatini sodir etganlikda gumonlanayotganlarni qiynoqqa
solmaslikka chaqirdi. Bu haqda mamlakat tashqi siyosat mahkamasi rahbari
Sirojiddin Muxriddin maʻʻlum qildi, deya xabar beradi Gazeta.Ru.
MDH Tashqi
ishlar vazirlari kengashi yigʻilishida soʻzga chiqqan diplomat qoʻporuvchilik
harakatini tergov qilayotgan huquq-tartibot idoralari xodimlari xalqaro mezonlar
va Rossiya qonunchiligi talablariga rioya qilishlari kerakligini eslatdi.
Muxriddin,
shuningdek, Tojikiston “Krokus”dagi terakt uchun jinoyat tashkilotchilari,
ijrochilari, sheriklari va buyurtmachilari jazolanishini kutishini aytdi.
Eslatib
oʻtamiz, 22 mart kuni “Krokus Siti Xoll”dagi hodisadan bir kun oʻtib FSB
direktori Aleksandr Bortnikov Rossiya prezidenti Vladimir Putinga 11 nafar
gumonlanuvchi, jumladan, teraktning bevosita ishtirokchisi boʻlgan toʻrt nafar shaxs
hibsga olingani haqida maʻʻlum qildi. Ularning barchasi Tojikiston fuqarolari
edi. Qariyb barcha gumonlanuvchilar, ayniqsa asosiy toʻrt tojikistonlik sud zaliga
qattiq qiynoqqa solingan, hatto bir qulogʻi kesib tashlangan holatda va maxsus shifoxona
aravasida keltirildi.
Tarmoqlarda
ularning qiynoqqa solingani aks etgan videolar ham tarqaldi. Tahlilchilarning fikricha, Rossiya davlati va rus jamiyatining
ommaviy zoʻravonliklarga nisbatan toqatliligi kuchayib borayotganidan dalolatdir.
Keyinroq Tojikiston
Milliy xavfsizlik davlat qoʻmitasi “Krokus Siti Xoll”da terakt sodir etganlar
bilan aloqadorlikda gumonlanayotgan 9 kishini qoʻlga
oldi. Ularni qoʻlga olishda Dushanbeda joylashgan Rossiya xavfsizlik kuchlari
ishtirok etgan.
Rossiyada
davlat va jamiyatning zoʻravonliklarga toqatliligi kuchayib bormoqda – NT
Mavzuga aloqador
-
Moskva yaqinidagi Krokus Siti Xoll kontsert zali binosida terakt sodir etishda gumonlanayotgan barcha toʻrt terrorchi haqidagi tafsilotlar maʻʻlum boʻldi. Ularning barchasi Tojikiston fuqarolari.
-
Rossiyada soʻnggi oʻn yilliklardagi eng qonli teraktda ayblanayotgan toʻrt kishining qiynoqqa solingani aks etgan videolar keng tarqaldi, bu esa, tahlilchilarning fikricha, Rossiya davlati va rus jamiyatining ommaviy zoʻravonliklarga nisbatan toqatliligi kuchayib borayotganidan dalolatdir. “Qiynoq hodisa sifatida mavjud boʻlmasligi kerak. Politsiya va davlat bugun terroristni qiynoqqa soladi, bu usul maʻʻqullanganini koʻradi, ertaga esa faolni, jurnalistni, boshqa har qanday odamni qiynashadi. Ular boshqa yoʻlni bilishmaydi”, - deb yozdi faol va tergovchi jurnalist Ruslan Shaveddinov.
