Shotlandiyada yosh musulmonga masjid yaqinida pichoq bilan hujum qilindi
Shotlandiyada masjiddan qaytayotgan musulmon oʻsmirga pichoq bilan hujum qilindi. Bola tan jarohatlari bilan kasalxonaga yotqizilgan, politsiya tergov harakatlarini olib borib, atrofdagi videokameralar yozuvlarini oʻrganmoqda.
Shotlandiyada
kechki ibodatdan uyiga qaytayotgan musulmon oʻsmir nomaʻʻlum jinoyatchining pichoq
bilan hujumi qurboniga aylandi, deb xabar berdi Metro gazetasi.
Asli
pokistonlik musulmon oiladan boʻlgan 13 yoshli bola Glazgodagi Kvins-Park
masjididan uyiga ketayotganida unga pichoq bilan hujum qilingan. Hujum sodir
etilgan vaqtda oʻsmir anʻʻanaviy musulmon kiyimida boʻlgan, deb yozadi Arab News.
Bola
kasalxonaga yotqizilgan, hozirda uning ahvoli barqaror, hayotiga jiddiy tahdid yoʻq.
“Bola
qochib, hayotini saqlab qolishga urinayotganda ogʻir tan jarohati olgan, orqasiga va
butun tanasiga pichoq sanchilgan. Bitta chuqur kesish oʻpkaga taʻʻsir qilgan. Oʻtkinchi
oila politsiya va tez yordam chaqirganida, u qonga belangan edi. Bola kasalxonada,
u erda bir necha operatsiyalar oʻtkaziladi”, - deya maʻʻlum qilgan bolaning oilasiga
tanish boʻlgan Alisha Ntayomba matbuotga.
Politsiya
tergovchisi Stiven Palmerning aytishicha, huquq-tartibot organlari tergov olib
bormoqda va hududdagi videokuzatuv kameralari tasvirlarini koʻrib chiqadi.
Mavzuga aloqador
-
Kanada bosh vaziri Jastin Tyurdo mamlakatda islomofobiya holatlari ortib borayotganidan xavotir bildirdi. U hukumat fuqarolar “oʻz uylarida, mahallalarida va ibodat joylarida oʻzlarini xavfsiz his qilishlari” uchun barcha zarur saʻʻy-harakatlarni amalga oshirishini maʻʻlum qildi.
-
AQShda Bert Jeyms Beyker ismli shaxs Falastinni qoʻllab‑quvvatlab oʻtkazilgan namoyishdan qaytayotgan amerikalik musulmonlarga pichoq bilan hujum qilib, ulardan birini jarohatladi. Amerika-Islom munosabatlari kengashi unga nisbatan nafrat bilan bogʻliq jinoyat boʻyicha ayblov qoʻyishga chaqirdi.
