Rossiya turar joy va savdo markazlaridagi namozxonalarni taqiqlamoqchi

Rossiya prezidenti huzuridagi Inson huquqlari kengashi tijoriy va turar joy binolaridagi namozxonalarni yopish va taqiqlash masalasini koʻrib chiqmoqda. Bunga ushbu namozxonalarning aholiga noqulaylik tugʻdirayotgani sabab qilib koʻrsatilmoqda.

Rossiya prezidenti huzuridagi Fuqarolik jamiyatini rivojlantirish va inson huquqlari kengashi tijoriy va turar joy binolarida namozxonalar joylashtirishlishini taqiqlash masalasini koʻrib chiqmoqda. Gap koʻp qavatli uylar, savdo markazlari va boshqa tijorat obʻʻektlarida jamoat tashkiloti koʻrinishidagi yuzlab masjidlar haqida ketmoqda.

“Parlamentskaya gazeta” nashrining qayd etishicha, namoz oʻqiladigan xonalar aholiga noqulaylik tugʻdirmoqda.

“Moskva viloyatidagi turar joy binosidagi tijoriy muassasada 142,8 kvadrat metr maydonda musulmonlarning ibodat xonasi tashkil etildi. Bu, jumladan, uy muqimlari bilan kelishuvlarsiz amalga oshirilgan”, ‑ degan uy muqimlari shikoyat bilan murojaat qilgan kengash aʻʻzosi Kirill Kabanov. Uning qoʻshimcha qilishicha, bu kabi holatlar “tizimli muammoga aylanmoqda”: bir qator hududlar rahbariyati shunchaki muhojirlar boshqa namoz oʻqiydigan joy yoʻqligini sabab qilib keltirib, uni eʻʻtiborsiz qoldirmoqda. Amaldorlar, uning soʻzlariga koʻra, “bunday uy va tumanlar aholisi keltirib chiqaradigan oqibat va muammolar hamda mojarolar kelib chiqishi uchun sharoitlarni eʻʻtiborsiz qoldirmoqda”.

Oʻzgartirishlar Uy-joy kodeksi va “Vijdon erkinligi va diniy birlashmalar toʻgʻrisida”gi qonunni toʻldirishi mumkin.

Avvalroq Qozon markaziy univermagida ayollar va erkaklar uchun alohida xonalari, shuningdek, ikkita tahoratxonasi boʻlgan namozxona paydo boʻlgandi.