Niger AQSh bilan harbiy kelishuvni bekor qildi
Nigerda hokimiyat tepasida turgan harbiylar Amerika kontingentining mamlakatda qolishiga imkon beruvchi kelishuvni bekor qildi. Muvaqqat hukumat vakili Amadu Abdramanning taʻʻkidlashicha, mamlakatga muzokaralar uchun kelgan AQSh delegatsiyasi diplomatik protokolga rioya etmagan, oʻzining tashrifi tafsilotini oldindan maʻʻlum qilmagan.
Nigerda
hokimiyat tepasida turgan harbiylar Amerika kontingentining mamlakatda qolishiga
imkon beruvchi AQSh bilan kelishuvni bekor qildi, deb xabar bermoqda AFP Niger
oʻtish davri hukumati vakili Amadu Abdramanga tayanib.
Qayd
etilishicha, qaror darhol kuchga kiradi.
Niger xuntasi Amerika rasmiylarining mamlakatga tashrifi
ortidan shunday qarorga keldi. Delegatsiyaga davlat kotibining Afrika ishlari boʻyicha yordamchisi Molli Fi va
AQShning Afrikadagi qoʻmondonligi qoʻmondoni general Maykl Lengli boshchilik qildi.
Abdraman AQSh delegatsiyasining diplomatik protokolga rioya
qilmagani, Nigerga delegatsiya tarkibi, uning kelish sanasi va kun tartibi haqida
maʻʻlumot berilmaganini izohladi. Uning qoʻshimcha qilishicha, suhbat Niger mudofaa
sektoridagi davom etayotgan oʻzgarishlar va ikki davlat oʻrtasidagi harbiy
hamkorlik haqida boʻlgan.
.png)
Mavzuga aloqador
-
Frantsuzlar Nigerdagi qoʻshinlarini ham olib chiqib ketmoqda.
-
Nigerdagi Frantsiya elchixonasi ham 22 dekabrdan faoliyatini toʻxtatdi.
