"Musulmonlar evropaliklarning jinoyatlari uchun badal toʻlashmoqda" - Abbat Pʻer
Soʻnggi kunlarda frantsuz ijtimoiy tarmoqlarida taniqli
frantsuz siyosatchisi, katolik ruhoniysi va Ikkinchi jahon urushi qatnashchisi Abbat
Pʻerning 1993 yilda
bergan intervʻyusidan parcha tarqaldi. Unda diniy, ijtimoiy va siyosiy arbob evropaliklarning yahudiylarga
qarshi jinoyatlari uchun musulmonlarni badal toʻlayotgani aytiladi.
Frantsiyalik
ruhoniy va Ikkinchi jahon urushi qahramonining soʻzlari Isroilning Gʻazo
sektoridagi tajovuzkorligi va blokada anklavida yaratilgan sunʻʻiy ocharchilik
fonida yana dolzarb boʻlib qoldi.
“Hammasi
[Ikkinchi Jahon urushi va Xolokost] tugagach, biz uyaldik va musulmonlarni hech
narsa qilmaganlari uchun badal toʻlashga majburladik. Hech bir musulmon xolokostda
qatnashmagan yoki buning uchun javobgarlikni oʻz zimmasiga olmagan. Biz esa
falastinliklarni aldadik”, - deydi Abbat Pʻer tarqatilayotgan intervʻyuda.
Anri Antuan Grue “Abbat Pʻer” laqabini Ikkinchi Jahon urushi davrida Frantsiya qarshilik
harakatida, jumladan, yahudiy qochqinlarga natsistlar qoʻlidan qochishda yordam berishda qatnashganida olgan.
Falastin daʻʻvosining kuchli tarafdori boʻlgan Abbat Isroil ishgʻoli hamda xolokost tarixi va evropalik
yahudiylarning azob-uqubatlaridan Falastindagi odamlarga nisbatan shafqatsiz
munosabatda boʻlishni oqlashda foydalanishni tanqid ostiga olgan, biroq ayni paytda
xolokostning oʻzini inkor etmagan. Abbat Pʻer haqida 3 ta filʻm suratga olingan,
eng oxirgisi - 2023 yildagi biografik filʻmdir.
Mavzuga aloqador
-
Zilzilada musulmon xitoylar yashaydigan Gansu provintsiyasida 117 nafar, qoʻshni Tsinxay provintsiyasida 31 kishi halok boʻlgan.
-
Nigeriyada musulmon choʻponlar va nasroniy dehqonlar oʻrtasidagi toʻqnashuvda 16 kishi halok boʻldi
