Moskva muftiyligi: masjidlarda mahalliy aholining ulushi ortib bormoqda

Muhojirlarning Moskvani tark etishi tufayli Rossiya poytaxtidagi masjidlarda mahalliy aholining ulushi ortib bormoqda.  Bu haqda Moskva muftiysi oʻrinbosari Almaz Abdurahmonov maʻʻlum qildi. 

Shunga qaramay, tashrif buyuruvchilarning umumiy soni sezilarli darajada oʻzgarmagan, shunchaki odamlar Moskvada ochilgan 30 ta namozxonalarga tarqalishgan. Rasmiy statistik maʻʻlumotlarga koʻra, Qurbon Hayitida bayram namozida qatnashganlar soni oʻtgan yilgi koʻrsatkichlarga mos keladi.

"Koʻrinib turibdiki, migratsiya siyosatining kuchayishi fonida mahalliy rus musulmonlari Moskva masjidlarida tobora koʻpayib bormoqda. Bundan tashqari, Islom markazlari mahalliy musulmonlarni qoʻllab-quvvatlashga hissa qoʻshib, bu mahalliy aholi Markaziy masjidlar atrofida gavjum boʻlmasligini taʻʻminlaydi", – degan Abdurahmonov.

Moskva meri Sergey Sobyanin ham Qurbon Hayit arafasida xavfsizlikni taʻʻminlash boʻyicha yigʻilishda bu haqda soʻz ochgan.

"Soʻnggi bir necha yil ichida poytaxtda 30 ga yaqin ibodat markazlari ochildi. Masalan, Hayit namozi paytida minglab musulmonlar bunday markazlarga kelishsa, jami oʻttiz mingga yaqin musulmon masjidga borganini anglash mumkin. Bu shaharning normal ishlashi uchun muhimdir", – degan u.